بولرنی بیله سیزمی؟ 49- قسم

چوغ ستونلر

تورکیه نینگ قاره دینگیز قیرغاغیده 80 میلیون ییللیک بیر طبیعت گوزه للیگی بار لیگینی بیله سیزمی؟

تورکیه نینگ تینگسیز طبیعی گوزه للیکلریدن بیرته سی قاره دینگیز منطقه سیده جیالشگن گوزه ل حصار چوغ ستونلری دیر. بارتین ولایتی چیگره سی نینگ ایچیده جایلشگن بو طبیعت گوزه ل لیگی نینگ اوتمیشی 80 میلیون ییل آلدین گه باره دی. چوغ ویا بازالت ویاده قایا اوله راق تورلی شکلده اتلگن دیر.

بارتین ولایتی نینگ گوزه ل حصار قیشلاغیده جیالشگن چوغ ستونلری طبیعتده جوده کم پیدا بولگن و ولقانیک پارتلشلر عاقبتیده یوزه گه چیققن فوق العاده بیر نرسه دیر. ولقانلردن آقیب بارگن چوغلرنینگ ساووب باریشی و موزلب قالیشی نتیجه سیده توزیلگن چوغ ستونلریدن دنیانینگ اوستیده کم جایده کوریش ممکن. دنیاده تورکیه دن تشقری شمالی ایردلند، اسکاتلند، ایزلند، جاپان، مکسیکو، روسیه، جنوبی کوریا، ویتنام، اسپانیا و امریکا قوشمه ایالتلریده یوزه گه چیققن چوغ ستونلری جوده دییرلی و قوریقلش گه سزاوار طبیعی گوزه للیکلردن دیر. هم تیک همده یان شکلده یوزه گه چیقیب قالگن و دنیاده گی تینگداشلریدن فرقلی بولگن گوزه ل حصار چوغ ستونلری جوده علاقه تارتماقده. بو ستونلر بولگن قریب 15 جریبلیک ساحه 2017 ییلی طبیعت آبده سی ایتیب اتلگن دیر.

چوغ ستونلر بولگن گوزه ل حصار کیچیک بیر گوزه ل قیرغاق قصبه سی. بو قصبه چوغ ستونلری قاله ویرسه تاریخی اثر و قالدیقلری، محلی معمارلیکلری، کینگ اورمانلری و صاف کوک سووی بیلن باریب کیزیش گه سزاوار.