تورکیه گه خاص بیر پیشلاق توغریسیده قیسقه معلومات

تورکیه نینگ شرقی انادولو منطقه سیده گی تاریخی ولایت دن عبارت قارص, دنیا ده حقلی بیر شکلده "قارص پیشلاغی" بیلن مشهور.  اوتمیشی میلادی 1920 ییللر گه قدر باره دیگن قارص پیشلاغی, قفقاز عالی بیلیم یورتی ریاستی نینگ طلبی گه بناً میلادی 2014- ییلده تورکیه نینگ ثبت قیلینگن جغرافی محصولاتی لیستی گه کیریتیلدی.  منطقه نینگ بلند ساحه لریده گی اوتلر نینگ چارواچیلیک اوچون اویغون ایکن لیگی و اوسیملیک تور لری نینگ انچه کوپ ایکن لیگی اوشبو پیشلاق نینگ تولیدی مقصدی بیلن یوقاری کیفیت گه ایگه سوت نینگ قولگه کیریتیلیشیده اوته مهم بیر نرسه نی تشکیل ایتماقده.  قارص گه خاص اوشبو پیشلاق کوپنیچه سیگیر سوتی دن تیارلنماقده. لیکن ایچکی سوتی قوشیلیب هم تیارله نیشی ممکن. قارص پیشلاغی نینگ تولیدیده, عنعنوی میتود لر بیلن تولید ایتیلگن و "دیله مه" دیب ناملنگن خام پیشلاق, ایکّی مراتبه رنده له نیشی آرتیدن, تیشیگی بولگن سبد لر بیلن قینه تیش قازان لری گه تشله نیب سقیز شکلی گه کیلگونگه قدر قینه تیله دی.  قینه گن پیشلاق, جوده کیچیک پارچه لرگه بولینیشی آرتیدن بیر نیچه مراتبه باستیریله دی. و شونده ی قیلیب سووی سیزغیریله دی.  پیشلاق تیارلش استاد لری سقیز شکلیده گی اوشبو پارچه لر نی 4 الی 5 دقیقه  مشتلب ایچیده گی سووینی چیقره دی.  کیین قالب لر گه جایلشتیریلیب توزلنگن پیشلاققه شکل بیریله دی.  قالب گه جایلشتیریلگن پیشلاق تقریباً 12 ساعت کیین قالب لردن چیقریلیب توزله ش و دمی نی آلیش اتاغی گه آلیب باریله دی و خوددی شوو ییر نینگ اوزیده هوا جریانی بیلن قوریتیله دی.  قارص پیشلاغی نی ایشلب چیقریش باسقیچ لری 6 آی گه یقین بیر مدتده تکمیل بوله دی.  اوشبو پیشلاق تولید باسقیچ لری نینگ تکمیل بولیشی آرتیدن خواهلنگن ابعادده کیسیلیب ساتیله دی.