سویدن نینگ ناتو اعضالیگی بوییچه تورکیه نینگ سیاستی

روسیه نینگ اوکراین نی اشغال قیلیش تشبثی آرتیدن ناتو اعضاسی بولمه گن و تاریخده اوز طرفسیزلیگی نی اسره ب قالگن بالتیک اولکه لری کتته بیر ریسک گه دوچ کیلیب قالدی.  جغرافی جهت دن روسیه گه یقین بولگن فنلاند بیلن سویدن, ناتو اعضالیگی اوچون مراجعه قیلیب تیزلشتیریلگن بیر اعضالیک پروسه سی نینگ باشله تیلیشی نی طلب ایتدی.  تورکیه نینگ قیغولرینی برطرف قیلیش گه موفق بولگن فنلاند ناتو اعضاسی بولرایکن, تورکیه سویدن نینگ 1- جنوری دن باشلب کوچ گه کیرگن تروریزم گه قرشی کوره ش قانونی نینگ تطبیق ایتیلیشی بوییچه انیق قدم تشله شی نی کوتماقده.  سویدن نینگ اعضالیگی دن تشقری تورکیه خلق ارا مقیاسده بولگن لیگی دیک ناتو ایچیده هم خلق ارا تروریزم گه قرشی کوره ش نینگ اورتاق هدف لری دن بیری گه ایلنتیریلیشی نی طلب ایتماقده. 

میلادی 2000- ییلدن بیری اروپا بیلن روسیه اورته سیده گی سیاسی نفوذ کوره شی نینگ میدانی گه ایله نیب قالگن اوکراین, غرب گه یقینلشگن لیگی سببلی کتته قیین چیلیککه دوچ کیلیب قالدی.  روسیه, اشغال آلدی دن ناتو نینگ کینگه یشی نینگ توخته تیلیشی و اوکراین نینگ اوشبو اتفاققه قوشیلمس لیگی بوییچه گرنتی بیریلیشی نی طلب قیلدی.  اوکراین نینگ ملی حاکمیتی دن واز کیچیشی معنی سی گه کیله دیگن روسیه نینگ اوشبو طلب لری بوییچه مقصد ییچیم یولی تاپیش ایمس, بلکه روسیه نینگ اوکراین نی اشغال ایتیشی اوچون شرایط تامین ایتیش دن عبارت ایدی. 

خوددی شونده ی بیر وضعیتده ناتو ایچیده بولمه گن فنلاند بیلن سویدن کبی اولکه لر بونگه اوخشش بیر معما گه دوچ کیلیب قالمس لیک مقصدی بیلن ناتو گه اعضا بولیش اوچون مراجعه قیلدی. 

روسیه نینگ اوکراین نی هیچ قنده ی بیر مقاومت گه دوچ کیلمسدن اشغال ایتیش و قوشیب آلیش پلان لری فرقلی سبب لر بیلن موفقیتسیز بولدی.  میلادی 2014- ییلده قیریم نینگ روسیه تامانیدن اشغال ایتیلیشی آرتیدن جدی بیر شکلده کوچینی آرتیرگن اوکراین اردوسی نینگ کوچی میلادی 2022- ییلده جوده هم آرتیب کیتگن ایدی.  امریکا قوشمه ایالتلری استخباراتی اشغال نی آلدین دن خبر بیریب روسیه نینگ خبرسیز بیر شکلده باسیب کیریشی نینگ آلدی نی آلگن بولدی.  اوکراین نی ترک ایتیش نی رد ایتگن زلنسکی نینگ رهبرلیگی هم جوده کتته رول اوینه دی. روس اردوسی نینگ اویلنگنی دن تیارگرلیکسیز و موثریستسیز ایکن لیگی هم روسیه جهتی دن تیزده موفقیت قولگه کیریتیش نی امکانسیز قیلیب قویدی.  شونده ی قیلیب بالتیک اولکه لری روسیه نینگ اویلنگن لیگی دیک حربی جهت دن کوچلی ایمس لیگی نی کوردی لیکن اشغال نینگ اینیقسه دستلبکی آی لریده روسیه نینگ اوروش نی شرقی اروپا و بالتیک منطقه لری تامان کینگه یتیریشی نینگ ممکن ایکن لیگی بوییچه جدی قیغولر موجود ایدی. 

اوکراین اوروشی دایره سیده فنلاند و سویدن نینگ خوفسیزلیک سیاست لری نی اوزگرتیریب طرفسیزلیک نی ترک ایتیش لری, هر جهت دن کتته اهمیت گه ایگه.  لیکن تورکیه اوزاق بیر مدت دن بیری کوپلب ناتو اعضاسی اولکه لر نینگ ترور تشکیلاتی پ.ک.ک نینگ سوریه ده گی بولیمی دن عبارت وای پی جی نی بیواسطه یاکه واسطه لی بیر شکلده حمایت قیلیاتگن لیکلری سببلی راحتسیز ایکن لیگینی بیلدیریب کیلماقده.  ناتو نینگ اوتمیشده گی ییغیلیش لریده اوشبو مطلب نی بیر نیچه مراتبه کون ترتیبی گه کیلتیرگن تورکیه, اینیقسه امریکا قوشمه ایالتلری و بعضی اتفاق اعضالری نینگ وای پی جی نی حمایت قیلیشی نی توخته تیشی اوچون قولیدن کیلگن سعی و حرکت لر نی قیلماقده. 

انقره, تورکیه, فنلاند و سویدن تامانیدن امضالنگن اوچ تامانلمه کیلیشوو نی زودلیک بیلن تطبیق ایتگن فنلاند گه کوره اوشبو خصوصده آهسته حرکت قیلیاتگن سویدن حقیده باشقه چه بیر سیاست آلیب بارماقده.  تورکیه جمهوریتی جمهوررئیسی رجب طیب اردوغان نینگ بیرگن سونگّی بیانات لری گه قره گنده, تورکیه نینگ جولای آییده ویلنیوس ده بولیب اوته دیگن رهبر لر ییغیلیشی آلدی دن اوشبو توغریده تیز قدم تشله مه یدیگن لیگی کورینماقده. 

تورکیه اوتمیشده گرجستان و اوکراین نینگ اعضالیک لری گه اعتراض قیلمه گن بیر اولکه اوله راق, ناتو نینگ کینگه یشی بوییچه مثبت بیر سیاست آلیب بارماقده.  ناتو نینگ کینگه یشی نینگ ستراتیژیک اهمیت گه ایگه بولیشی نینگ ممکن ایکن لیگینی درک ایتگن لیکن منطقه مقیاسیده ایریم جنجال لر گه سبب بولیشی بوییچه قیغولی هم بولگن تورکیه, سویدن کبی اولکه لرنینگ دموکراتیک ارزش لری نی اسره ش اوچون باشقه اولکه لرنینگ ملی خوفسیزلیک قیغولری گه اهمیت بیرمه یاتگن سیاست لری گه اعتراض بیلدیرماقده.  اوشبو اعتراض لرنینگ سویدن گه مخصوص ایمس لیگی و ایریم پیتلرده امریکا قوشمه ایالت لری, آلمان و فرانسه کبی اولکه لرنینگ هم تورکیه نینگ تروریزم گه قرشی کوره ش بوییچه قیغولری گه اونچه لیک اهمیت بیرمه یاتگن لیگی بیلینماقده.  ناتو نینگ خلق ارا مقیاسده اوزی نی ینگی له ش گه حرکت قیلیاتگن بیر پیتده تورکیه نینگ تروریزم نی کون ترتیبی ده گی اینگ مهم موضوع گه ایلنتیریش گه حرکت قیلیشی جوده مشروع و معقول بیر سیاست دن عبارت.  بیراق سویدن نینگ اوشبو موضوع بوییچه ییترلی مقیاسده حساس ایمس لیگی ناتو نینگ کوتیلگن کینگه یش پروسه سی گه منفی تاثیر قالدیرماقده.  نتیجه ده تورکیه نینگ قبول قیلیشی تقدیرده گینه, ناتو نینگ سویدن نی اعضا ایتیب قبول ایتیشی ممکن خلاص.