تورکیه – آنزاک دوست لیگی

دنیا مقیاسیده اینگ قانلی اوروشلردن بیرته سی نینگ نتیجه سیده بویوک بیر دوستلیک یوزه گه چیققن لیگینی بیله سیزمی؟

بیرینچی دنیا حربی نینگ اینگ مهم جبهه لریدن بیرته سی بولمیش چاناق قلعه اوروشی تاریخده اینگ قانلی اروشلردن بیرته سی بولگن و بیر متر مربعلیک ساحه ده آلتی مینگ اوق توشگن، بو اوروش توپلم 500.000 انسان حیاتینی یوقاتگن بیر اوروش ساحه سیدن عبارت ایدی. چاناق قلعه توپراقلریده بیر بیرینی هیچ تنیمه گن اولکه حربیلری بیر جایده کومیلگن دیر.

ائتلاف دولتلری نینگ حربی کوچلری نینگ ایچیده جوده اوزاق دیارده گی اوی – جایلرینی ترک ایتیب انگلیس اردوسی بیلن قوشیلیب کیلگن آسترالیالیک و ینگی نیوزلندلیک یعنی آنزاک حربیلری هم بار ایدی. آنزاک و تورکیه لیک حربیلر فقط بیر بیرلری بیلن اوروشمه دیلر. اوروش پیتیدن تشقری بیر بیرلریگه حرمت قیلیب انسانی مناسبت و دوستلیکلر قوردیلر. جبهه ده کیر کییملرینی یووب موضعلریدن چیققن حربیلر بیر بیریگه اوق اوزمه دی. موضعلردن بیربیرلریگه سگرت، شیکولات، مه ییز، انجیر قاغی و هدیه لیک نرسه لر سوغا قیلدیلر.

اوروش اداغگه ییتگندن کیین آنزاک اردوسی قومندانی جنرال گودلی، عثمانلی کوچلری نینگ آنزاق قبرلریگه حرمت قیلیشینی اوز ایچیگه آلگن بیر پیام یوباردی. درحقیقت بونقه بیر پیام گه کیره ک یوقدی. چونکه تورکلر اورشده حیاتینی یوقاتگن برچه حربیلرگه اوز اولادلری کبی حرمت قیلدیلر. آنزاک حربیلری دینگیزدن قوروقلیک که چیققن قیشلاق نینگ آتینی حیاتینی یوقاتگن حربیلرگه حرمت اوچون آنزاک قیشلاغی قویدیلر. 1915 ییلی گیلیبولوده قوروقلیک که چیقیش تاریخی بولمیش 25 اپریل "آنزاک کونی" ایتیب اته لدی.

"یورتگه تینچلیک دنیاده تینچلیک" دیگن مصطفی کمال آتاتورک تامانیدن 1934 ییلی آنزاک یاد ایتیش مراسمی اوچون نشر قیلگن پیامی اهمیت گه سزاواردیر.

"بو مملکت نینگ توپراقلری اوستیده قانلرینی توککن قهرمانلر! بو جایده دوست بیر وطن نینگ توپراغیده سیز. تینچ یاتینگیز. سیزلر محمدچیک بیلن یانمه یانسیز، قوچاقمه قوچاقسیز. اوزاق دیارلردن فرزندلرینی اوروش اوچون جونتگن آنه لر! کوز یاشلرینیگیزنی توخته تینگیز. فرزندلرینیگیز بیزنینگ بغریمیزده دیر. تیچ یاتماقده لر و تینچ یاته دیلر. اولر بو توپراقده جانلرینی بیرگندن کیین ایندی بیزنینگ فرزندلریمیز بولدیلر."