واللا دره سی

واللا دره سی

دنیا مقیاسیده اینگ چقور دره لردن بیرته سی نینگ تورکیه ده جایلشگن لیگینی بیله سیزمی؟

دنیا مقیاسیده اینگ چقور ایککینچی دره ایتیب تن آلینگن واللا دره سی تورکیه غربی قاره دینگیز منطقه سیده کستمونو ولایتیده اورین آلماقده. کینگ تاغلیک و اورمانلیک ساحه سی بیلن کستمونوده انچه دره، مغاره، دریا و شلاله کبی طبیعی گوزه للیکلرنی اوز ایچی گه آلگن جایلردن بیرته سی دیر.

800 الی 1200 مترلیک یوکسک قایالری بولگن واللا دره سیدن اوتیش قیین دیر. اوزون و انچه خطرلی دیر. اوتیش قیین بولگن دره لردن بیرته ایتیب تن آلینگن دره فقط پروفیشنل تیملرنینگ مناسب تجهیزات بیلن اوتیشی ممکن. بیراق کیریش و چیقیشلریده محلی رهنمالرنینگ یاردمی بیلن کیریش ممکن. دره نی تاماشا قیلیش اوچون دره نینگ سیر تراسیدن گوزه للیکلرنی تماشا قیلیش ممکن.

قایالیکلرده بورگیت، شاهین، کلخت کبی ییرتقیچ قوشلر بولگن دره نینگ ایچیده 40 دن آرتیق شلاله بار. بولرنینگ ایچیده 14 متردن آققن ایلیجه شلاله سی بوندن بلنددن آققن شلاله لرگه قره گنده احتشاملی بولمسه ده تیگره گیده گی مدحش کوکلملری بیلن کوریش گه سزاوار.

ینه خوددی شو منطقه ده جیالشگن ایلغارینی مغاره سی ایسه دنیا مقیاسیده اینگ بویوک 4- مغاره ایتیب تن آلینماقده. 858 متر اوزونلیگی بولیب 250 متر چقورلیگی بولگن و 220 میلیون ییلده یوزه گه چیققن لیگی تخمین ایتیلماقده. مغاره نینگ ایچیده گی آویزان و تیک بولیب یوزه گه چیققن نرسه لرنینگ تصویری حیرتلنرلی گوزه للیک که ایگه دیر. مغاره ده روما و بیزانس دورلریدن قبرلر کبی نرسه لر بار. مغاره نینگ اورمانلیک یولی نینگ اوستیده سماروق مغاره سی و اژدرها مغاره سی دیب اتلگن کوریش گه سزاوار ایککی ته مغاره بار.