تورکیه نینگ ناتو بیلن تیگیشلی سیاستی بوییچه بیر تحلیل یازووی

تخلیل و تیکشیروو لوحه سی

1829850
تورکیه نینگ ناتو بیلن تیگیشلی سیاستی بوییچه بیر تحلیل یازووی

تورکیه نینگ ناتو بیلن تیگیشلی سیاستی

روسیه نینگ اوکراین ده گی مداخله سی ایلک اوله راق ناتونینگ اوستیگه اوز تاثیرینی قالدیردی. ساووق اوروشدن کیین کینگه ییب باریش سیاستیده سویتلر بیرلیگی نینگ پارچه لنیب کیتیشیدن کیین مستقل لیکلرینی قولگه کیریتیب آلگن اولکه لرینی اوز ایچی گه آلگن ناتو اوکراین اوروشی بیلن بیرگه لیکده بو سیاستینی سوردوریش اوچون ینگی بیر حمله قیلدی. اوکراین گه مداخله سینی بو اولکه نینگ ناتوگه اعضالیک جریانینی سبب کورستیب مشروعلشتیریش گه اورونگن مسکو باشقرووی ایندی فینلند بیلن سویدن اعضالیک مراجعه سی بیلن ینگی بیر جریان گه دوچ قالدی. بیراق بو مرته ناتونینگ کینگه یشی هردایمگی وضعیتدن مهمراق بولدی.

خوفسیزلیک بوییچه تیکشیرووچی و یازووچی پروفیسور دوکتور مراد یشیلتاش نینگ موضوع بوییچه فکر و ملاحظه لرینی اعتبارینگیزگه حواله ایته میز.

بونینگ ایککی ته اساسی سببی بارلیگینی ایتیشیمیز ممکن. بیرینچیسی سویدن بیلن فینلندنینگ ناتوگه اعضا بولیشلری تقدیرده روسیه کورسته دیگن عکس العمل. اگرکی روسیه بو ایککی اولکه نینگ ناتوگه اعضالیگینی تهدید اوله راق کوریب ینگی بیر حربی هجوم اویوشتیرگنده اوروش فقط اوکراین بیلن چیتلنیب قالمه یدی. روسیه عکس العمل کورستمه ی قالیب سویدن بیلن فینلند ناتوگه دایمی اعضا صفتیده قبول بولسه روسیه ناتو تامانیدن بوتونله ی اوز حدودیده اوگیریب آلینگن بوله دی. ایککی وضعیتده هم روسیه بو ایککی اولکه نینگ ناتوگه اعضا بولیشی بیلن بالتیق بویی منطقه سیگه تاباره حربی کوچ سوق ایتیش گه مجبور بولیب قاله دی.    

 

ایککینچی مهم موضوع ایسه اینگ کوچلی اعضالردن بیرته سی بولمیش تورکیه نینگ فینلند بیلن سویدن نینگ اعضالیگی گه ناراضیچیلیک بیلدیریشی دیر. اوشبو پولیتیکا بیر تاماندن اوکراین اوروشی بیلن ینگی بیر همجهتلیک جریانی گه کیرگن ناتو اتفاقی نینگ توازنی گه سلبی تاثیر قالدیریش ریسکی بولگن حالده باشقه تاماندن تورکیه بیلن ناتو اورته سیده ینگی بیر معما یوز بیریشی گه سبب بولیشی ممکن. انقره نینگ بو ایککی اولکه نینگ اعضالیک جریانی گه ناراضیچیلیک کورستیشیده جوده حقلی سببلری بار.

 

اولاً شونی ایتیش کیره ک کی تورکیه ناتونینگ ینگی بیر کینگه ییش آدیمینی قوللب – قوتله یدی. شونده ی بولیب فینلندنینگ اعضا بولیشی گه کوپ اعتراض ایتمه یدی. بیراق اینیقسه سویدن نینگ پی کاکا بیلن بولگن مناسبتی انقره نی بو اولکه توغریسیده تاباره تدبیرلی سیاست یوروتیش گه سوق ایتماقده. شونده ی بولیب سویدن پی کاکانی اوز اولکه سیده انچه راحت بیر شکلده حرکت قیلیشی گه رخصت بیره دی و سوریه ده گی پی وای دی گه قورال قاله ویرسه اقتصادی همکارلیک هم قیلماقده دیر. سویدن پی کاکا اینگ اکتیف بولگن اولکه لردن بیرته سی دیر. پی کاکانینگ سویدنده گی فعالیتلری ایچیده اوزیچه نادولت تشکیلاتلر فعالیتلری، قاره پول تمیزلش و تورکیه گه قرشی لابی فعالیتلری قاله ویرسه انچه ناقانونی روشده فعالیتلر آلیب بارماقده دیر. سویدن نینگ تورکیه گه قرشی فعالیتلری پی کاکا بیلن چیتلنیب قالگن ایمس. عیندمده تورکیه ده 15 جولای تونتروو تشبثیده قولی بولمیش فتونینگ آدملری گه هم اولکه سیگه جای بیرگن.

 

انقره سویدن نینگ بو یانداشووی باعث ناتوگه اعضالی لیگی توغریسیده تدبیرلی یانداشماقده و تورکیه نینگ خوفسیزلیک قیغولریگه اهمیت بیرمه گن بیر اولکه نینگ اعضالیگینی قوللب – قوتله مسلیگینی ایتماقده دیر. اوکراین اوروشی بیلن جیوپولیتیک اهمیتی تاباره آرتیب بارگن تورکیه ناتو ایچیده گی اورنیدن فایده لنیب بو توغریده سویدن نینگ یانداشوویگه اوزگریش کیلتیریشینی طلب ایتیشی غایت طبیعی بیر وضعیت دیر. بیراق تورکیه نینگ بو یانداشووی ناتو نینگ ایچیده ینگی بیر معما توغیشی گه سبب بوله دی می معلوم ایمس.

  

خوفسیزلیک بوییچه تیکشیرووچیسی و یازووچی پروفیسور دوکتور مراد یشیلتاش نینگ موضوع بوییچه فکر و ملاحظه لرینی اعتبارینگیزگه حواله ایتدیک.

 



علاقه لی ینگی لیکلر