قزاقستان واقعه لری نیمه لر کورستدی
تحلیل و تیکشیروو
قزاقستان واقعه لری نیمه لر کورستدی
میلادی 2022 ییلی خلق ارا سیاست جهتیدن حرکتلی بیلن باشله دی. غرب بیلن روسیه اورته سیده بیر مدتدن بیری دوام ایتیب تورگن اوکراین بحرانی نینگ 2022 ییلی نینگ مهم موضوعی بولیشی انیق. شونده ی بولیب امریکا قوشمه ایالتلری و روسیه هیئاتلری اورته سیده ژنوده بولیب اوتگن اوکراین جلسه سیدن مسئله نینگ ییچیمی بیلن تیگیشلی نتیجه آلینمه دی. عکسینچه بیر بیرلریگه قره ته بیریلگن بیاناتلر، اوکراین بحرانی نینگ چقورلشیب دوام ایتیشینی کورسته دی. ناتو تامانیدن بیریلگن بیاناتده ایسه کیلیشوونینگ شو وقت ممکن ایمس ایکن لیگی بیراق روسیه بیلن اوکراین توغریسیده اوچره شووگه مجبور بولیب قالگن لیگی بیلدیریلدی. مسکو هم اوکراین نینگ اوزی اوچون قیزیل چیزیق ایکن لیگینی تاکییدلشگه دوام ایتماقده. پوتین نینگ "خوفسیزلیک گرانتیسی" اوله راق امریکا قوشمه ایالتلریگه بیرگن شرطلرنینگ بجا کیلتیریلیشی ممکن کوریلمه یدی. اوکراین مسئله سیده ماسلنگن شو وقتده قزاقستانده حساس وضعیت یوز بیردی. نفت و گاز نرخلرینی بهانه قیلیب آلیب باریلگن مظاهره لر تیزده قزاقستان ایچیده بیر بحرانگه سبب بولیب کیتدی و قزاقستان جمهور باشلیغی توکایف عمومی خوفسیزلیک کیلیشوو تشکیلاتیدن حربی یاردم طلب ایتدی. تشکیلات تیزده قزاقستان نینگ چقیریغی گه جواب بیریب مشترک بیر حربی کوچ نی قزاقستانگه جونتدی.
ایندی موضوع بیلن تیگیشلی اوله راق تشقی سیاست بوییچه تیکشیرووچی یازووچی پروفیسور دوکتور مراد یشیلتاش نینگ یازووینی تقدیم ایته میز.
قزاقستان، سویتلر بیرلیگی نینگ ییقیلیشیدن کیین اورته آسیا جمهوریتلری ایچیده اینگ رواجلنگن اولکه بولدی. اقتصادینی رواجلنتیردی، چیت ایل سرمایه لرینی اوزیگه تارتیب آلیش گه موفق بولدی و تشقی سیاستیده توازن سیاستینی تعقیب ایتیب منطقوی اورنینی ساغلم قیلدی. نظربایف باشقرووی آستیده تیزده رواجلنگن اولکه سونگگی پیتلرده اینیقسه انرژی رقابتیده مطرح بولدی. بای طبیعی منبعلری سایه سیده منطقه ده کوچ رقابتی جهتیدن تاثیرلی بیر اولکه گه ایلندی. بیراق یوز بیرگن مظاهره لر قزاقستان نینگ سیاسی اوله راق ضعیف ایکن لیگینی کورستدی. در حقیقت یوز بیرگن واقعه لرنینگ انچه سببی بار. بولردن بیرته سی اوسیب بارگن اقتصادی بولگن حالده قزاقستان همجمعیتی نینگ عایدی گه اولیملی تاثیر قالدیرمه یشی دیر. بای طبیعی منبعلردن قولگه کیریتیلگن عایدلرنینگ همجمعیت گه تینگ بیر شکلده بولمه گن تقسیمات بیر مدتدن بیری همجمعیت ایچیده راحتسیزلیک که سبب بولگن ایدی. بو معمالرنینگ گلوبال پاندیمی بیلن کوپراق یوزه گه چیققن لیگی آچیق. شونده ی بولیب مظاهره لرگه سبب بولگن اصل سبب همجمعیت نینگ اقتصاددن کوپراق طلب قیلیشی دیر.
بیراق اقتصاد و تینگ عاید تقسیماتیده یوز بیرگن معمالر، مظاهره نینگ یگانه سببی ایمس. قزاقستان ستراتیژیک اورنی باعث روسیه نینگ تاثیر دایره سیده گی بیر دولت. باشقه تاماندن چین بیلن قزاقستان اورته سیده قوریلگن انرژی بوییچه مناسبت روسیه نی راحتسیزقیلگن بیر خصوص اوله راق ایلگری قطارده توره دی. شونده ی وبلیب قزاقستان نینگ غربی اولکه لر بیلن بولگن یقین مناسبتی و تورک دولتلر تشکیلاتی نینگ قوریلیشیده آلگن اکتیف رول مسکو باشقرووی نینگ دقتینی تارتیب آلگندی. شونده ی بولیب قزاقستان نینگ حساس بیر کوچ رقابتی نینگ مرکزیده اورین الگن اولکه لردن بیرته سی بولیشی مظاهره لرنینگ تیزلیک بیر ییره ب باریشی گه باعث بولگن سببلردن بولدی. روسیه نینگ ستراتیژیک حربی کوچلری نینگ تیزلیک بیلن سوق ایتیشی بو کوچ توازنی ایچیده بهالندیریش ممکن.
قزاقستانده یوز بیرگنلر 2021 ییلی قوریلگن تورک دولتلر تشکیلاتی نینگ دستلبکی مهم سینشلریدن بیرته سی بولدی. تشکیلات نینگ تیزده بیر جلسه اوتکزیب قزاقستان جمهوریتی نینگ یانیده اورین آلگن لیگی بیلدیریلدی و تورلی یاردم گه تیار ایکن لیگی تاکییدلندی. تورک دولتلر تشکیلاتی حلی گچه بو کبی بحرانلرگه کلیدی رول آله دیگن وضعیتده ایمس دیر. تورک دولتلر تشکیلاتنی نینگ بونقه بحرانلرده حساس رول آلیشی گه وقت کیره ک.
قزاقستانده وضعیت نورمالشدی بیراق منطقه ده کوچ رقابتی بوندن کیین هم دوام ایتیشی منطقه ده گی برچه اولکه لر اوچون دقتلی تعقیب ایتیلیشی کیره ک بولگن بیر جریان. شونده ی بولیب تورک دولتلر تشکیلاتی گه هم کتته مسؤلیت توشه دی.
موضوع بیلن تیگیشلی اوله راق تشقی سیاست بوییچه تیکشیرووچی یازووچی جان اجون نینگ یازووینی تقدیم ایتدیک.
