تورکیه – بیرلشگن عرب امیرلیکلری اورته سیده گی نورماللشوو جریانی توغریسیده بیر تحلیل یازووی

تورکیه – بیرلشگن عرب امیرلیکلری اورته سیده گی نورماللشوو جریانی توغریسیده بیر تحلیل یازووی

بیرلشگن عرب امیرلیکلری نینگ ییتکچیلیگینی آلیب باراتگن محمد بن زاید آل نهیان نینگ تورکیه گه قیلگن سفری نینگ آرتیدن انچه کوزه تووچی تورکیه – کورفز مناسبتی نینگ کیلجگینی تارتیشووگه باشله دی. زایدنینگ تورکیه سفری 2011 ییلیدن بوگونگچه کوره ش آلیب باریلگن ایککی ایریم اولکه نینگ مناسبتلری بارگن نقطه نی کورسته دی. بو سفر چوکاتیده ایککی تامان اورته سیده 10 میلیارد دالرلیک تجارت و سرمایه کیریتیش کیلیشوولری گه قول قوییلیشی مناسبتلری نینگ کیلجگی جهتیدن بیر کورستگیچ دیر. سیاسی اوله راق سونگگی 10 ییلده ایککی تامانلی قتّیق سیاست نی تعقیب ایتگن ایککی اولکه نینگ اقتصادی مناسبتی گه بو قتّیق سیاست سلبی تاثیر قالدیرگن بولمه گن حالده اویوشتیریلگن بو سفر منطقه اوچون انچه اهمیت گه سزاوار.

خوفسیزلیک بوییچه تیکشیرووچی مراد یشیل تاش نینگ بو موضوع بوییچه فکر و ملاحظه‌لرینی اعتبارینگیزگه حواله‌ قیله‌میز .

ایککی اولکه بیر مدتدن بیری یقینلشیش اوچون بیر قطار اوزارا آدیملر آتگندی. بیراق هیچ کیم نورماللشوونی بونقه تیزلیک بیلن بولیشینی کوتمس ایدی. بو یقینلشوونینگ ارتیدن ایککی تامان اوچون هم بعضی بیر سببلر بار. بو سفر اولاً منطقوی و گلوبال اوزگریش نینگ نتیجه سی ایدی. امریکا قوشمه ایالتلریدن بایدن باشقرووی نینگ اورته شرق و کورفز موضوعیده ترامپ پیتیده گی سیاست نی برطرف ایتووچی بیر یانداشوو ایچیده بولیشی بیرلشگن عرب امیرلیکلری قاله ویرسه کورفز اولکه لرینی خواطرگه تشله دی. بایدن اقتدارگه کیلگنده ترامپ تامانیدن بیرلشگن عرب امیرلیکلری و سعودی عربستانگه تکلیف ایتگن "آچیق چیک" سیاستینی توخته تیب قویدی. عین دمده بایدن هسته ای سیاستی باعث ترامپ پیتیده ایرانگه قره ته عملی قیلینگن "کینگ باسیم" سیاستینی هم ترک ایتدی و بو وضعیت ایران گه قرشی کوچسیز بولیب قالگن کورفز اولکه لرینی جبهه قیدیرووی گه سوق ایتدی.

عکس العمل اوله راق منطقه اولکه لری ایریم منطقه اولکه لری بیلن بحراننی کمه یتیریش قرارینی قبول قیلیب آلدی. شونده ی بولیب سعودی عربستان و بیرلشگن عرب امیرلیکلری اورته سیده بیر مدتدن بیری دوام ایتیب تورگن و یمن موضوعیده آچیق بیر شکلده یوزه گه چیققن کیلیشماوسیزلیک، ایککی کورفز اولکه سی اورته سیده گی مناسبتنی بوزیب تشله گندی. تشقی سیاستیده ازّانچه عملگرا و واقع بین بولگن بیرلشگن عرب امیرلیکلری بو وضعیتنی تورکیه بیلن یقینلشیش اوچون بیر فرصت اوله راق کوردی و ایریم منطقه اولکه لریدن آلدین حرکت قیلیب انقره بیلن بولمیش بحرانی دیپلوماسیدن وازکیچیب نورماللشووگه کتته آدیم اتدی. البته کی منطقه ده گی نورماللشوو دالغه سی قطرگه قره ته چیکلاو سیاستی نینگ اداغگه ییتیب بارگن پیتیده باشله گندی.  

تورکیه اوچون هم بو نورماللشوونینگ عاقلانه حقیقتلری موجود. شونده ی بولیب بونینگ بیر تامانلیک جریان دیب اتلمسلیگی کیره ک. انقره ده بیر مدتدن بیری اختلاف ایچیده بولگن منطقه اولکه لری اوچون نورماللشیش اوچون بیر حرکت بار. مصر، اسرائیل و سعودی عربستان بیلن آلغه بارگن بولسه ده حلی هم انیق نتیجه قولگه کیریتیلمه گن. بیرلشگن عرب امیرلیکلری بیلن نورماللشیش ایریم اولکه لر بیلن مقایسه قیلینگنده تیزراق بولیب اوتدی و تورکیه بو توغریده "آچیق دیپلوماسی" بیر توسیق قوییشنی تنله مه دی. شونده ی بولیب انقره سونگگی پیتلرده اوزیگه قرشی منطقه ده ایجاد ایتیلگن بلاکلشیش نی برطرف ایتیش اورونیشیده دیر. بو انقره نینگ موجود پوزیشیندن کوپراق فرصت بیرمه ی یونان و جنوبی قبرس اطرافیده ایجاد بولگن اتفاقنی پارچه لش اورونیشی نینگ هم بیر پارچه دیب کوریلیشی کیره ک. بیرلشگن عرب امیرلیکلری بیلن یوز بیرگن یقینلشیش ایسه انه شو پیتده عملی بولدی.

ایندی جوابی کوتیلگن اصل سوال شوکی نورماللشوونینگ بیر یقینلشووگه سبب بوله دی می؟ دیگن سوال. البته بیرلشگن عرب امیرلیکلری بیلن تورکیه لیبیا، مصر و سوریه کبی موضوعلرده فرقلی سیاسی توشونچه گه ایگه دیرلر. شونده ی بولیب بیرلشگن عرب امیرلیکلری بیلن نورماللشیش تورکیه نینگ مصر و سعودی عربستان بیلن یقین تماسده بولیشینی تامین ایتیشی ممکن و شونده ی بولیب منطقوی بحرانلر هم بیرته بیرته برطرف بولیشی ممکن. البته بولرنینگ عملی بولیشی اوچون 2022 ییلی نینگ ایلک چارگینی کوتیب توریش کیره ک.

خوفسیزلیک بوییچه تیکشیرووچی دوکتور مراد یشیل تاش نینگ اوشبو موضوعگه دایر فکر و ملاحظه‌لرینی اعتبارینگیزگه حواله ایتدیک.