سوریه گه قره ته حربی عملیات گه کم قالدی
تحلیل و تیکشیروو لوحه سی
سوریه گه قره ته حربی عملیات گه کم قالدی
سونگگی پیتلرده سوريه نینگ شِمالیده فعاللیک کوچه‌یگن بولسه-ده، اینیقسه تورکیه قوراللی کوچلری و مخالفلر بیلن بیرگه‌لیکده ترور تشکیلاتی پکک/یپگ نینگ علاقه گذرگاهلریده پست شدّتلی توقنه‌شوولر دوام ایتماقده. تورک اوردوسی نینگ بعضی حدودلرده جایلشگنی کورینر ایکن، تورکيه و روسیه حربي هیئتلری احتمالي حربي اوپراسیون اوچون مذاکره‌لرنی دوام ایتتیرماقده. تورکیه قوراللی کوچلری و میت سیها‌لری تیز-تیز پکک/یپگ گویا یوقاری مرتبه‌لی رهبرلر دیب اته‌گن تروریستلرنی، نشانگه آلگن اوپراسیون‌لرنی عملگه آشیره‌دی.
تشقی سیاست بوییچه تیکشیرووچی جا‌ن اجون نینگ اوشبو موضوعگه دایر فکر و ملاحظه‌لرینی اعتبارینگیزگه حواله ایته میز.
جمهور باشلیغی ایردوغان نینگ سوريه‌ده‌گی پکک/یپگنی توغریدن-توغری نشانگه آلیب، ایندی طاقت قیله آلمه‌یمیز دیگن بیاناتلریدن سونگ میدانده‌گی حرکتلر هم آرتدی. تورک قوراللی کوچلری (ت ق ک) و سوريه ملي اوردوسی (س م ا) سوريه نینگ شِمالیده هم شرقیده، هم غربی منطقه‌سیده‌گی استحکاملرینی کوچه‌یتیرر ایکن، کوپلب نقطه‌لرده ینگی جایلشوولرده. پکک/یپگ عنصرلری ایسه تورکيه نظارتی آستیده‌گی حدودلرگه قرشی هجوم و ترور فعالیتینی دوام ایتتیرر ایکن، تبلیغات آلیب باریب، خلق‌ارا جماعتچیلیک فکرینی یره‌تیشگه حرکت قیلماقده. ترور تشکیلاتی نینگ اینیقسه تل رفا‌ت، منبیج، عین العرب، عین عیسا و تل تعمیر کبی حدودلرده فعاللیک کورسه‌ته‌یاتگنی، تونل و خندق قزیش آرقه‌لی احتمالي حربي اوپراسیون‌گه تیارگرلیک کوره‌یاتگنی کوریلماقده.
ینه جبهه خط‌لریده کم - کوپ توقنه‌شوولر دوام ایتماقده. قاله‌ویرسه، تورکیه قوراللی کوچلری و میتگه علاقه‌دار سیها‌لر منطقه نینگ کوپ نقطه‌سیده گویا یوقاری درجه‌ده‌گی پکک/یپگ دیب اته‌لگن عنصرلرنی نشانگه آلگن و یوق قیلیش عملیاتلری آلیب بارماقده.
میدان قیزیگن سری تورکيه نینگ احتمالي حربي عملیاتی نینگ دواميلیگی و کولمینی روسیه حربي هیئتلری بیلن دوام ایته‌یاتگن مذاکره‌لر بیلگیله‌گن کورینه‌دی. اگر اوزارا یان بیریشلر بیلن کیلیشوو بولسه، سوريه شِمالیده‌گی شرق-غربي اولچگیده سیزیلرلی اوزگریشلر بیریشی ممکن، عکس حالده تورکيه-روسیه بحرانی، اینیقسه، ادلیب جَنوبیده ینگی وکالت اوروشیگه ایلنه‌دی. تورکيه ایسه تورلی منطقه‌لرده ترور تشکیلاتی پکک/یپگنی نشانگه آلگن عملیاتلرنی بیر تمانلمه باشله‌یدی.
روسیه نینگ سوريه‌ده‌گی اساسي پوزیشنی، بشارالاسد رژیمینی حربي ییچیم بیلن بوتون مملکتگه حکمرانلیک قیلیش و تورکيه و امریکا قوشمه ایالتلرینی سوريه‌دن قوویب چیقریشدیر. بیراق، روسیه بونی عملگه آشیریش احتمالی اونچه‌لیک یوقاری ایمسلیگینی بیله‌دی.
آخر عاقبت، روسیه نینگ صمیمی حرکت قیلیب تورکيه بیلن یوتقزیش فورمول‌گه عاقلانه حرکت قیلیشی و «هه» دیییشینی کوتیش ممکن. شو نینگ اوچون تیگیشلی یانداشووینی قَیته کوریب چیقیش آرقه‌لی تورکيه بیلن هر ایکّی دولت اوز منفعتلرینی حمایه قیله‌دیگن اساسده کیلیشیب آلیشی کیره‌ک. عکس حالده، اوزارا کیلیشماوسیزلیک دوام ایته‌دی.
تشقی سیاست بوییچه تیکشیرووچی جا‌ن اجون نینگ اوشبو موضوعگه دایر فکر و ملاحظه‌لرینی اعتبارینگیزگه حواله ایتدیک
