تورکیه نینگ سوریه ده ستراتیژیک صبری قالمه دی
تحلیل و تیکشیروو لوحه سی
تورکیه نینگ سوریه ده ستراتیژیک صبری قالمه دی
جمهور باشلیغی رجب طیب ایردوغان بیرگن سونگگی بیانات بیلن سوریه ده پی کاکا/ وای پی جی نینگ کنترولی آستیده گی منطقه لردن کیلگن هجوملر بیلن تیگیشلی "ایندی تحملیمیز قالمه دی" دیب افاده ایترکن یا تاثیرلی محلی کوچلر بیلن بیرگه لیکده ویا بیر اوزی پی کاکا/ وای پی جی گه قره ته ینگی حربی عملیاتلر آلیب باریشنی اورته گه قویدی. بو بیانات نینگ آرتیدن کوزلر سوریه گه ماسلندی. سوچیده بیر مدت آلدین ایردوغان بیلن پوتین اورته سیده بولیب اوتگن جلسه نینگ هم تاثیرلی ایکن لیگینی ایتیش ممکن.
تشقی سیاست بوییچه تیکشیرووچی جا‌ن اجون نینگ اوشبو موضوعگه دایر فکر و ملاحظه‌لرینی اعتبارینگیزگه حواله ایته میز.
جمهور باشلیغی ایردوغان نینگ ایندی تحملیمیز قالمه دی دیگن افاده لری بیلن تورکیه نینگ سوریه ده پی کاکا/وای پی جی نینگ قولیده بولگن بعضی بیر منطقه لر بیلن تیگیشلی کینگ کولملی بیر حربی عملیاتلر آلیب باریشی کوتیلماقده. در حقیقت تورکیه نینگ اوزاق مدتدن بیری "ستراتیژیک بیر صبر" بیلن حرکت قیلگن لیگینی ایتیش ممکن. امریکا قوشمه ایالتلری و روسیه بیلن آلیب باریلگن کیلیشوولرنینگ ضدیگه پی کاکا/وای پی جی تورکیه چیگره سیگه یقین منطقه لرده فعالیت قیلیش گه دوام ایتماقده. ینه ترور تشکیلاتی پی کاکا/ وای پی جی تورکیه نینگ کنترولی آستیده بولمیش عفرین، العزیز، الجرابلس، الباب، تل ابیض و راس العین کبی منطقه لرگه کیریب تروریستیک هجوملر اویوشتیرماقده. بو جایلرده هم تورک قوراللی کوچلریگه باغلیق عنصرلر همده سوریه ملی اردوسی گه باغلیق کوچلرنی اماج قرار بیرماقده. شونده ی بولیب بو منطقه لرده برقرارسیزلیک یراتیش اوچون تینچ اهالینی هم هدف آلیب منفجره مواد آرقه لی هجوملر اویوشتیرماقده. تورکیه قوراللی کوچلری و میت تورکیه مقیاسیده و اینیقسه عراق نینگ شمالیده پی کاکاگه قره ته یوتوقلی عملیاتلر اویوشتیریب ترور تشکیلاتینی ضعیفله ترکن، پی کاکانینگ سوریه ترماغی وای پی دی/ وای پی جی ایسه امریکا قوشمه ایالتلری و روس نینگ قنادی آستیده تورکیه نی صبرینی تاشیره دیگن درجه ده فعالیت قیلیش گه دوام ایتماقده. شونده ی بولیب ایردوغان هم توغریدن توغری ایتگن شکلده تورکیه اوچون سوریه ده ایندی حددن آشیلگن وضعیتده. آلدین هم آلیب باریلگن فرات قلقانی، زیتون یاله سی و تینچلیک بولاغی عملیاتلریده بولگنیدیک ینگی بیر کینگ کولملی عملیات نینگ عرفه سیده میز دیب کوریله دی.
شونده ی بولیب اوتگن هفته لرده سوچیده بولیب اوتگن ایردوغان – پوتین جلسه سینی هم دقت گه آلیشیمیز کیره ک. ایککی رهبر خاص اوچره شیب سوریه نی تیلگه آلدیلر و تامانلر ایچیده بولگن قولدن بیریش وضعیتیدن چیقیش نیتیده ایکن لیکلرینی بیان ایتدیلر. ایککی تامانلمه موجود وضعیتدن فداکارلیکلر بیلن مشترک بیر زمینه یراتیلگن بولیشی ممکن. بونی یقین پیتده هم ادلب همده پی کاکا/ وای پی جی کنترول قیلیب تورگن منطقه لر بیلن تیگیشلی مهم نتیجه لری بوله دی. بیراق ایککی رهبرنینگ اولیملی یانداشوولری بولگن حالده بیر نتیجه چیقمه گن تقدیرده روسیه و تیزیم کوچلری نینگ ادلب نی آماج قرار بیره جگینی تورکیه نینگ بو جایده محکم بیر کوچ اوله راق جواب بیره جگینی، تورکیه نینگ ایسه پی کاکا/ وای پی جی گه قره ته حربی عملیاتلر باشله ته جگینی روسیه و تیزیم نینگ ایسه محکم کوچ گه قرشی کوره شیش گه اورونه جگینی تخمین ایتیش ممکن.
تشقی سیاست بوییچه تیکشیرووچی جا‌ن اجون نینگ اوشبو موضوعگه دایر فکر و ملاحظه‌لرینی اعتبارینگیزگه حواله ایتدیک.
