پنجه چقماق و یلدیرم عملیاتلری

تحلیل و تیکشیروو

1631672
پنجه چقماق و یلدیرم عملیاتلری

پنجه چقماق و یلدیرم عملیاتلری

تورکیه نینگ ترور تشکیلاتی پی کاکاگه قره ته کوره شی قرارلیلیک بیلن دوام ایترکن ملی مدافعه وزیرلیگی عراق نینگ شمالیده پنجه چقماق و پنجه یلدیرم عملیاتلری نینگ باشله گنیدن خبر بیردی. بوندن آلدین هم بهار و یاز فصللریده تورکیه نینگ اینیقسه شمالی عراقده حربی عملیات اویوشتیره جگی کوتیلماقده ایدی.

تشقی سیاست بوییچه تیکشیرووچی جا‌ن اجون نینگ موضوع گه دایر فکر و ملاحظه‌لرینی اعتبارینگیزگه حواله‌ قیله‌میز .

تورکیه پی کاکا تروریستلری گه قرشی هم تورکیه ده همده چیگره تشقریسیده عراق و سوریه کبی ترور تشکیلات جایلشگن منطقه لرده کوره شیب بارماقده. ترور تشکیلاتی گه قرشی قتّیق و کینگ کولملی عملیات آلیب باریلماقده. بونینگ سونگگی پیتلرده جدی بیر شکلده نتیجه بیرگن لیگینی کوره میز. ترور تشکیلاتی نینگ تورکیه ایچیده تروریستیک عمل گه قول اوریش ظرفیتی تقریباً یوق قیلیندی. چیکه حدودلریده گی تروریست سانی 300 ته گه توشدی.

بیراق تورکیه نینگ ترور تشکیلاتی پی کاکاگه قرشی کوره شی عراق-سوریه منطقه لریده دوام ایتماقده. تورکیه نینگ بو منطقه ده گی تروریتلرنینگ موجودیتی بیلن تیگیشلی اساسی ستراتیژیسی اولاً ترور تشکیلاتی نینگ تورکیه چیگره خطیدن اوزاقلشتیریلیشی، ساحه حاکمیتی و توپراق کنترولی نینگ ادغگه ییتکیزیلیشی و عراق – سوریه خطیده گی علاقه سی نینگ بوتونله ی یوق قیلینیشی مقصد قیلینماقده. شونده ی بولیب تورک قوراللی کوچلری عراق نینگ شمالیده جایلشگن متینا، اواشین – باسیان منطقه لری گه ینگی بیر عملیات باشلتدی. پنجه چقماق و یلدیرم عملیاتلری بیلن تورکیه ترور تشکیلاتی پی کاکانی عراق نینگ شمالیده گی تاغلیق ساحه لردن بوتونله ی تمیزلش نی مقصد قیلیب آلگن. هوا و ییر کوچلری تامانیدن همزمان آلیب باریلگن عملیاتلرده منطقه لرده گی ستراتیژیک تیپه لرگه خاص کوچلر و کوماندو کوچلری توشیریلگن وضعیتده. تورکیه قوراللی کوچلری حاکم ستراتیژیک تیپه لر کنترول آستیگه آلینیب کیین حربی مرکز قوریش نی ریجه له ماقده. شونده ی بولیب هم تورکیه چیگره لری گه خوفسیزلیک تامین ایتیله دی همده ترور تشکیلاتی نینگ منطقه ده گی تعلیم بیریش ساحه لری و قومنده کنترول مرکزلری یوق قیلینگن بوله دی. شو وقتگچه منطقه ده پی کاکا جنگریلری جدی مقاومت قیلالگن یوق. ترور تشکیلااتی نینگ منطقه ده گی مدافعه تقریباً یوق قیلینگن. 60 اطرافیده تروریست جنگری تاثیرسیز وضعیت گه کیلتیریلدی.

تورکیه قوراللی کوچلری بو منطقه ده گی حاکمیتی نینگ آرتیدن 2021 ییل دوامیده جنوبده گی غاره منطقه سی بیلن بیر قطارده قندیل گه قره ب کتته حربی عملیات باشله شینی هم کوتیش ممکن. ینه عراقده سینجار منطقه سیده ینگیلیکلر تورکیه نینگ راداری تعقیبیده بولیب دوام ایتیله دی. اگر بو منطقه ده بوندن آلدین بغداد – اربیل اورته سیده کیلیشیب آلینگن بیتیم بیلن ترور تشکیلاتی پی کاکا برچه عنصرلری بیلن تمیزلنمه گن تقدیرده تورکیه قوراللی کوچلری نینگ سینجارنی هم آماچ قرار بیریشی احتمالی بار.  

 

 

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حواله ایتدیک.

 

 

 



علاقه لی ینگی لیکلر