بعشیقه حربی مرکزی

بعشیقه حربی مرکزی

عراق ده همزمان امریکا قوشمه ایالتلری نینگ اربیل ده جایلشگن حربی مرکزی بیلن تورکیه نینگ موصل ده گی بعشیقه حربی مرکزی گه هجوم اویوشتیریلیشی بیلن علاقه لر تکرار بو منطقه گه ماسلشدی.

تشقی سیاست بوییچه تیکشیرووچی جا‌ن اجون نینگ موضوع گه دایر فکر و ملاحظه‌لرینی اعتبارینگیزگه حواله‌ قیله‌میز .

موصل نینگ 25 کیلومتر شمالیده جایلشگن تورکیه نینگ بویوک حربی مرکزی نیمه اوچون آماج قرار بیریلدی. آرقه سیده کیملر بار سوالی جوده مهم. اینیقسه سونگگی پیتلرده سینجار قاله ویرسه تورکیه نینگ تروریزم گه قرشی کوره شی کونسایین آرتیب بارماقده.

تورکیه نینگ عراق نینگ شمالیده کتته – کیچیک انچه حربی مرکزی بولسه ده بعشیقه هم کتته لیگی همده حربی تجهیزات جهتیدن برچه سیدن فرقلی دیر. ینه بو مرکز ترور تشکیلاتی پی کاکاگه قره ته کوره ش جهتیدن حساس بیر اورین گه ایگه ایمس. عین دمده موصل ده ترور تشکیلاتی داعش نینگ تمیزلنیشی گه و منطقه ده تامین ایتیلیشی کیره ک بولگن برقرارلیک و تینگلیک تامین ایتیلگن بوله دی. حربی مرکز هشدی وطنی کوچلریگه هم اوزاق مدت میزبانلیک قیلدی و تورک عسکرلری بو کوچلرنی داعش گه قرشی تربیه قیلدی. البته بو وضعیت منطقه ده مذهبچی بیر عنصرلرنی اینیقسه هشدی شعبی نینگ ایچیده فعالیت قیلیب تورگن رادیکال گروپلرنی انچه راحتسیز قیلماقده ایدی. اینیقسه باش وزیر مالیکی پیتیده عراققه یقین عنصرلرنینگ باسیمی بیلن تورکیه نینگ حربی مرکزنی بوشه تیشی اوچون باسیم و تهدیدلر یوزه گه چیقرکن، تورکیه بو یانداشوولرنی دقت گه آلمه ی بغدادلیک باشقرووچیلر بیلن مسئله گه اولیملی بیر شکلده ییچیم تاپیش اوچون اوچره شوولر آلیب بارگندی.

ایندی بعشیقه حربی مرکزیگه راکتلر آرقه لی هجوم اویوشتیریلیشی ینه هشدی شعبی عنصرلرینی ایسگه کیلتیردی. بو هم تورکیه نینگ سینجار منطقه سیگه قره ته ترور تشکیلاتی پی کاکانی تمیزلش مقصدی بیلن بیر حربی عملیات اویوشتیره جگی گپلر اورته گه چیققن بیر پیتده یوز بیردی. هشدی شعبی گه باغلیق کوچلرنینگ سینجارده کونسایین کوپراق جایلشگن لیگی و اربیل – بغداد کیلیشوونینگ عکسینچه بو جایده پی کاکانینگ محلی عنصرلری بیلن همکارلیک قیلگن لیگینی اویله گنده ایرانگه یقین عنصرلرنینگ تورکیه گه قره ته بیر حرکت یانداشووی ایچیده بولگن لیگینی کوره میز. ایران اوچون سینجار ستراتیژیک بیر اهمیت گه ایگه، بو منطقه نی سوریه گه ییتیب باریش اوچون لوجستیک بیر اورین اوله راق کورماقده و قولدن بیریشنی خواهله مه یدی. بیراق بو پوزیشن نی پی کاکا بیلن همکار بولیب کوچه یتیریش اورونیشی کتته خطا بوله دی.

شونده ی بولیب تورکیه عراق و سوریه اورته سیده ترور تشکیلاتی پی کاکانینگ ساحه حاکمیتی قولگه کیریتگن برچه منطقه لرنی تمیزلش گه قرارلی و بونی عملی قیلیشدن هم قول تارتمه یدی. ایرانگه یقین گروپلرنینگ سوریه ده اینیقسه عفرین منطقه سیده بونقه اورونیشی بولرکن نتیجه سی یمان بولگندی. تورک اردوسی انچه شیعی جنگرینی پی کاکالیکلر بیلن بیرگه قوشیب تاثیرسیز وضعیت گه کیلتیرگندی. ایندی ایرانگه یقین عنصرلر تورکیه نی عراق نینگ شمالیده سینه ماقده. بونینگ نتیجه سیده بو عنصرلرنینگ عاقبتی یخشی بولمه یدیگن گه اوخشه یدی.  

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر فکر و ملاحظه‌لرینی اعتبارینگیزگه حواله ایتدیک.