لیبیا – تورکیه مناسبتلری بوییچه بیر تحلیل یازووی

لیبیا – تورکیه مناسبتلری

لیبیا ملی بیرلیک حکومتی باش وزیر عبدالحمید دبیبه وظیفه نی قولگه آلیشیدن سونگ حکومت و دولتی ییتکچیلری (ریاست کینگشی داخل) اینگ یوقاری سویه لی سفرینی 2021 ییلی 12 اپریل ده انقره گه عملگه آشیردی. دبیبه اوزی بیلن بیرگه لیکده 14 وزیر بیلن انقره گه سفر قیلیب کیلدی. تورکیه لیبیا یوقاری مرتبه لی ستراتیژیک همکارلیک کینگشی نینگ دستلبکی جلسه سی خوددی شو دایره ده بولیب اوتدی. جلسه نینگ اداغیده حکومتلر ارا بیش ته مهم کیلیشووگه قول قوییلدی.

خوفسیزلیک بوییچه تیکشیرووچی مراد یشیل تاش نینگ موضوع گه دایر فکر و ملاحظه‌لرینی اعتبارینگیزگه حواله‌ قیله‌میز .

بو سفرنینگ بیرینچیده اعتبار جهتدن انچه اهمیتی بار. دبیبه باش وزیری ایتیب تعیین قیلینگن 5 فبروری 2021 تاریخیدن اعتباراً هم دبیبه همده باش وزیرلیک کینگش باشلیغی محمد یوسف المنفی گه انچه اولکه نینگ حکومت و دولت باشلیغلری بیلن بیر قطارده خلق ارا همجمعیتلردن تبریک ییتیب کیلدی. تبریک و همکارلیک پیاملریدن کیین سفر قیلیب کیلیشلر باشله دی. اوتگن مدت جریانیده هم دبیبه همده المنفی چیت ایل پایتخت لری گه سفر قیلگن همده اوزلری طرابلسده توروب انچه خارجی هیئت و مهمان کوتیب آلگنلردیر.

لیبیا ملی بیرلیک حکومتی اوزاق مدتلیک بیر توقنه شوونینگ آرتیدن لیبیاده گی بولینگنلیک نی برطرف ایتگن مشروعیت بیر ساختار صاحبی بولیب یوزه گه چیققن لیگی اوچون لیبیاده مداخله قیلگنلرنینگ برچه سی ملی بیرلیک حکومتی بیلن مناسبت قوریش اورونیشیده دیر. بولرگه حفترنی قوللب – قوتلش بیلن ملی بیرلیک حکومتی پیش قدمی بولمیش ملی یره شوو حکومتینی تونتریش گه اورونگن بیرلشگن امیرلیکلر، مصر، روسیه و فرانسه دن عبارت.

نه فقط موجود مدخل اکتورلر کیلگوسیده لیبیادن توقعی بولگن برچه اکتورلر بیر شکلده ملی بیرلیک حکومتی بیلن تماس قوریش، یخشی مناسبت ایجاد ایتیب کیلجکده لیبیادن منفعت قولگه کیریتیش اوچون اورونماقده دیر. بونقه بیر فضاده دبیبه و ملی بیرلیک حکومتی تامانیدن حلی گچه اینگ یوکسک مرتبه لی سفر انقره گه اویوشتیریلیشی تورکیه نی لیبیاگه مدخل اکتورلر آره سیده بیرینچی اورین گه کیلتیردی.

سفرنینگ اهمیتی گاوجوم بیر وزیرلر هیئتی بیلن عملگه آشیریلگن لیگی دیر. ملی بیرلیک حکومتی کابینه سی باش وزیر دبیبه تامانیدن اولکه ایچیده گی شهر و منطقه کبی انچه فرقلی توازننی کوزگه توتیب قوریلگن بیر یره شوو کابینه دیر. تکنوکرات تامانی تظاهر قیلگن حکومت نینگ اصل وظیفه سی جاری ییل نینگ 24 دسامبر تاریخیده بولیب اوته دیگن سیلاوگه تیارگرلیک کوریش، بولینگن و رقیب ایجاد قوریشلر بیلن بیر قطارده ارگانلرنی بیرلشتیریش و نتیجه ده مدت جریانیده خلققه خذمت قیلیش دیر. لیبیا 2011 – ییلدن بیری ایجاد ایتیلمه گن ویتیرتر، 2014 دن کیین حفتر تامانیدن باشله تیلگن ایچکی اوروش 2019 ده ینه حفتر تامانیدن طرابلس گه هجوم اویوشتیریلیشی بیلن یمان باشقروو سببی بیلن بوگونکی کونده ساغلیق، تعلیم، زیربنا و خوفسیزلیک کبی انچه ساحه ده معمالرگه دوچ قالگن دیر. لیبیا خلقی اوچون سیاسی اکتورلرنینگ آیدولوژی یانداشوولردن باشقه کونده لیک حیات شرطلرینی توزه ته دیگن خذمتلرنی بیریشلری دیر.   

شونده ی بولیب دبیبه نینگ باشقروویده گی ملی بیرلیک حکومتی نینگ قانقرلی شکلده خلق نینگ کونده لیک حیاتینی نورماللشتیریب ییچیم تاپیشی کیره ک. بو سفرده نه فقط دبیبه و هیئتی 14 اجرااتچی وزیرنینگ هم اونگه همکار بولیشی، هر بیر وزیرنینگ تورک کسبداشی بیلن تینگلشتیریلیشی، تنیشیشی و بوندن کیین آلیب باریله دیگن عملی همکارلیک اوچون تیارگرلیک کوریشی دیر. شو چوکاتده تشقی ایشلر، صنایع، معارف، ایچکی ایشلر، اطرافنی سقلش، محلی باشقرووی، تجارت، خزینه و مالیه بیلن بیر قطارده انرژی وزیرلری اوچره شگن دیر. لیبیا مدافعه وزیرلیگی گه هم سرپرست بولگن باش وزیر دبیبه ملی مدافعه وزیر خلوصی آقر بیلن هم اوچره شگن دیر.

اوچره شوولر نتیجه سیده تورکیه بیلن لیبیا اورته سیده قول قوییلگن کیلیشوولرنینگ اینگ مهمی لیبیاده بیر تورک شرکتی تامانیدن توزیله دیگن اوچ ته الکتریک سنترالی دیر. لیبیاده هم تونتروو جریانیده همده ایچکی اوروش جریانیده انچه زیربنا تیزیملری گه زیان ییتگن، شونده ی بولیب الکتریک سنتراللری هم یمان باشقروو باعث خذمت بیریشدن قالگن دیر. بوگونکی کونده لیبیا خلقی نینگ حیاتی گه سلبی تاثیر قالدیرگن اینگ کتته معما برق کم چیلیگی دیر. توزیله دیگن الکتریک سنتراللری لیبیانینگ الکتریک تولید قیلیش معماسیگه مهم درجه ده ییچیم تاپیلیشی گه حصه قوشگن بوله دی. الکتریک ساحه سیده گی بو همکارلیک فقط بیر باشلنغیچ بولیب بونی ایریم ساحه لرده گی همکارلیکلر، تجربه و ظرفیت کوچی تعقیب ایته دی.   

سیاسی – ستراتیژیک نقطه ده لیبیاده گی ینگی حکومت تورکیه نینگ مهم بیر اکتور ایکن لیگینی و بو اکتورنینگ ایریم خلق ارا اکتورلر تامانیدن قبول قیلینگن لیگینی بیله دی. اروپا اولکه لری و امریکا قوشمه ایالتلری تورکیه بولمه ی موجود تینچلیک جریانینی و سیاسی جریان نینگ قیین ایکن لیگینی اویله ماقده. لیبیا حکومتی تورکیه نی بو ستراتیژیک نقطه ده جایلشتیرگن وضعیتده. سفر هم بونی کورستماقده دیر.

خوفسیزلیک بوییچه تیکشیرووچی دوکتور مراد یشیل تاش نینگ اوشبو موضوعگه دایر و فکر و ملاحظه‌لرینی اعتبارینگیزگه حواله ایتدیک.