تورکیه – امریکا مناسبتلری نینگ قیینچیلیکلری

تورکیه – امریکا مناسبتلری  نینگ قیینچیلیکلری

خوفسیزلیک بوییچه تیکشیرووچی مراد یشیل تاش نینگ تورکیه – امریکا مناسبتلری نینگ قیینچیلیکلری گه دایر فکر و ملاحظه‌لرینی اعتبارینگیزگه حواله‌ قیله‌میز .

تورکیه – امریکا مناسبتلری نینگ کیلگوسی باسقیچده تورتته مهم قیینچیلیگی بار. بولر حل بولمه ی تورکیه – امریکا قوشمه ایالتلری اورته سیده گی بحران نینگ برطرف بولیشی ممکن کوریلمه یدی. بو قیینچیلکلردن بیرته سی س-400 معماسی دیر. س-400 معماسی تورکیه – امریکا مناسبتینی تصویر ایته دیگن اینگ گوزه مثال. ستراتیژیک مناسبت اوله راق اتلگن الف و ب دولتی اورته سیده گی مناسبتده بونقه معما توغمسلیگی کیره ک ایدی. شونده ی بولیب نی امریکا قوشمه ایالتلری تورکیه نینگ پتریئوت تیزیم طلبینی رد ایتر و مغلق قیلیب قویردی و نی هم تورکیه ناتو متفقی اوله راق اینگ بویوک خوفسیزلیک و مدافعه رقیبیدن بونقه قورال آلردی. ایندی ایسه تورکیه – امریکا مناسبتلرینی "ستراتیژیک متفقلیک" شکلیده بهالندیرمسلیک کیره ک. موجود قیینچیلیک نی آشیب اوتیش اوچون ایککی تاماندن بیرته سی نینگ پوزیشنی گه اوزگریش کیلتیریشی ویا اوز ارا پوزیشنلریگه زیان ییتکزمه یه دیگن بیر یول تاپیشلری دیر. ملی مدافعه وزیری خلوصی آقرنینگ گیریت نقشه انه شونگه مناسب بوله دی. بو نقشه نینگ قنداغ قیلیب عملی قیلینیشی اونچه انیق ایمس. تورکیه س-400 لرنینگ ایککینچی بولیمی نینگ ساتیب آلیشی بوییچه "اوچره شوولرنینگ دوام ایتیب تورگن لیگینی" معلوم قیلگن خوددی شو پیتده گیریت نقشه سینی عملی قیلیش قیین. حا بونده ی ایکن امریکا قوشمه ایالتلری نینگ س-400 موضوعی بوییچه ییچیم اوچون بیرته ترجیح نی توتیب مذاکره قیلیش گه اورونیشی بونگه ییچیم بوله دی می؟ بو هم ممکن ایمس. س – 400 نی تورکیه نینگ چوکاتیدن چیقریب تشلش فکری تورکیه تامانیده بیر مذاکره موضوعی اوله راق کوریلمه یدی. شونده ی بولیب س-400 نینگ ایککی تامانگه هم قیینچیلیک یراتگن لیگی بونی برطرف ایتمه ی مناست نی توزه تیش هم ممکن کوریلمه یدی.

ترور تشکیلاتی ی پ گ مسئله سی ایسه تورکیه امریکا مناسبتلریده گی نا انقیلیک نی ینه ده کوپه یتیرگن بیر قیینچیلیک اوله راق یوزه گه چیققن وضعیتده.  ی پ گ تامانیدن سوریه نینگ شمالی گه قره ته آلیب باریلگن تروریستیک هجوملر، بایدن باشقرووی و امریکا اداره لری نینگ ی پ گ گه قره ته موجود یانداشووی هم دقت گه آلینگنده تورکیه – امریکا مناسبتلریده س-400 سبب بولگن جدالیک نی بوندن هم چقورراق قیله دی. شونده ی بولیب تورکیه نی ینگی بیر عسکری آدیم آتیش گه مجبور قیلیشی ممکن. بو معناده ی پ گ معماسی فقط تخنیکی بیر آدیم اوله راق امریکا قوشمه ایالتلری نینگ سوریه ده تورکیه نی اجره تیش سببی بولیشدن چیقیب اوز ارا مناسبتلرنینگ برچه تامانلرینی تعیین قیلووچی بیر قیینچیلیک معماگه ایلنیب قالدی. مثال اوچون س-400 مسئله سیده بولگنیدیک تامانلردن بیرته سی نینگ پوزیشینیدن واز کیچیشی شرط. یا واشنگتن ی پ گ نی کوچه یتیریب سوریه نینگ توپراق بوتونلیگینی بوزه دیگن شکلده اوتونوم بیر باشقروو قوریشدن واز کیچیب انقره نینگ پوزیشنی گه یقین بوله دی ویا تورکیه ی پی گ گه قره ته پوزیشینی گه اوزگریش کیلتیریب امریکا قوشمه ایالتلری نینگ ی پ گ نی اوزگریتیریش سیاستی گه رخصت بیره دی. موجود شرطلرده ایککی تامان نینگ هم پوزیشن لرینی قوریقلش گه اورونگن لیکلری کوریلیب تورگن. شونده ی بولیب یقین پیتده ی پ گ معماسینی آشیب بو قیینچیلیک گه ییچیم تاپیش هم ممکن ایمس.

س-400 و ترور تشکیلاتی ی پ گ مسئله لریگه قوشیمچه اوله راق شرقی اورته ییر دینگیزی موضوعی هم تورکیه – امریکا قوشمه ایالتلری مناسبتلرینی فرقلی نقطه گه آلیب باره دیگن سویه گه بارگن وضعیتده. شرقی اورته ییر دینگیزی مسئله سی تورکیه جهتیدن مهم دیر. ماوی وطن غایه سی تورکیه نینگ عسکری و اقتصادی پوزیشنینی شکللنتررکن امریکا قوشمه ایالتلری اوچون بو پوزیشن حل بولیشی کیره ک بولگن بیر منطقوی بیر جیوپولیتیک موضوع اوله راق مطرح بولماقده دیر. بو نقطه ده امریکا قوشمه ایالتلری نینگ شرقی اورته ییر دینگیزیده یونان نینگ حربی کوچی نینگ کوچه یتیریلیشی بوییچه حمله سی و تورکیه نینگ حرکت ساحه سینی تاره یتیریش سیاستلری اوز ارا مناسبتلرده ایریم بیر قیینچیلیک. قیینچیلیک نینگ برطرف ایتیلیشی اوچون تورکیه نینگ منطقه ده گی جیوپولیتیک تاثیر ساحه سینی تاره یشی و عسکری فعالیتلرینی کمراققه توشیریشی کوتیلگن. انقره نینگ ماوی وطن دایره سیده ایجاد ایتگن اولویتده گی منفعت لرینی مذاکره گه قوییب کیلیشووگه باریشی هم ممکن کوریلمه یدی. شونده ی بولیب شرقی اورته ییرده گی یوز بیرگن و یوز بیره دیگن معمالر اوز ارا مناسبتلرده ینگی بیر بحران یوزه گه چیقیشی گه سبب بولیشی ممکن.

آلدین بحث بولگن معمالردن ترور تشکیلاتی فتو مسئله سی، عملی قیلنماقده بولگن چیکلاو و دوالرنی هم کیریتگنده کتته بحرانی بیر وضعیت گه ایلنیب قاله دی. سنا بحرانی هم تیزده حل بولیشی ممکن کوریلمه یدی. شونده ی بولیب 54 نفر سناتور تامانیدن یازیلگن مکتوب نینگ تورکیه امریکا قوشمه ایالتلری مناسبتلرینی توزتیشدن کوپراق جزالنتیریش سوزی و گپلری بولگن لیگی و جمهمور باشلیغی ایردوغان نی آماج قرار بیرگن لیگی گه قره گنده مناسبتلرگه صلبی تاثیر قالدیرگن بیر کنگره دن گپیریش ممکن. بایدن باشقرووی نینگ اداره لر بیلن بیرگه لیکده تشقی سیاست قیله میز یانداشووی هم کنگره نینگ تشقی سیاستده تاثیرلی بوله جگی ویا تشقی ایشلر وزیری بلینکن نینگ کنگره نی یانیده الیش اوچون تورکیه کبی دوسیه لرده توتیلگندن تشقری ایریم بیر احتمال کوریلمه یدی.

تورکیه دوسیه سیده کنگره نینگ تشقی سیاستلری نینگ عقلانیتیدن قره ش اورنیده امریکا نینگ تشقی سیاستیده گی ایکو – تیزیمدن قره گنی هم تورکیه نینگ ایشینی قیینراق قیلماقده. تورکیه – امریکا قوشمه ایالتی مناسبتی نینگ هر تامانینی کنگره نینگ تاثیریگه تشله ماقده.    

خوفسیزلیک بوییچه تیکشیرووچی دوکتور مراد یشیل تاش نینگ اوشبو موضوعگه دایر و فکر و ملاحظه‌لرینی اعتبارینگیزگه حواله ایتدیک.