امریکانینگ اوز اعتبارینی قیته دن قولگه کیریتیب آله دی می؟

تحلیل و تیکشیروو

1569295
امریکانینگ اوز اعتبارینی قیته دن قولگه کیریتیب آله دی می؟

امریکانینگ اوز اعتبارینی قیته دن قولگه کیریتیب آلیشی ممکن بوله دی می؟

20 جنوریدن اعتباراً جو بایدن امریکا قوشمه ایالتلری نینگ 46- دولت باشلیغی ایتیب وظیفه گه باشله دی. بایدن سونگگی 70 ییل نینگ اینگ کوپ رای آلیب دولت باشلیغی ایتیب سیلنگن دموکرات کاندید بولیب تاریخ گه ثبت بولدی.

خوفسیزلیک بوییچه تیکشیرووچی مراد یشیل تاش نینگ اوشبو موضوعگه دایر فکر و ملاحظه‌لرینی اعتبارینگیزگه حواله‌ قیله‌میز .

نوامبر آییدن جنوری آییگچه بولگن مدت تخمین ایتیلگندیک بحرانی بولدی. ترامپ نینگ صلح آمیز بیر شکلده مقام نی تسلیم ایتمس لیگی کوتیلماقده ایدی. بیراق حادثه لر کیلگن سویه نی هیچ کیم تخمین ایتمس ایدی. 6 جنوریده امریکا تاریخیده بیر ینگی لیک یوز بیردی و ترامپ نینگ طرفدارلری کنگره بناسی گه باسقین قیلیب کیردی. بو قانلی باسقینده 5 کیشی حیاتینی یوقاتدی. امریکا قوشمه ایالتلری نینگ دنیا مقیاسیده یمانلشیب بارگن آتی یمان بولدی. قانلی باسقین نینگ آرتیدن ترامپ گه قره ته ایککینچی مرته وظیفه دن چیتلنتریلیشی بوییچه رای گیرلیک بولیب اوتدی. امریکا قوشمه ایالتلری نینگ پایتختی واشنگتن ده عراق نینگ پایتختی بغدادده کورگن حادثه لری یوز بیردی. 25 مینگدن آرتیق امریکالیک عسکر پایتخت نینگ کوچه لریده بند قوردیلر، کنگره بناسی نینگ ایچیده موضع آلدیلر. شونده ی بولیب بو حادثه لر قاله ویرسه امریکا قوشمه ایالتلریده کروناویرسدن کونده لیک حیاتینی یوقاتگنلر سانی 4 مینگدن آرتیق. بایدن نینگ بیر بحراننی تسلیم الگن لیگینی ایتسه ینگلیش بولمه یدی. ایندی بایدن قنده ی بیر امریکا توزماقچی. بو سوالگه بایدن و اونینگ گروهی نینگ جوابی جوده انیق. بایدن "امریکانینگ تکرار یوزه گه چیققن لیگینی" ایتماقده. بو بیانات انچه لر تامانیدن بایدن نینگ عموماً ایچکی سیاست و تشقی سیاستینی نمایان قیلووچی بیر چوکات اوله راق کوریلدی. ایندی امریکانینگ قیته دن یوزه گه چیقیشی نیمه معنا بیره دی؟ بایدن نینگ تشقی سیاست چوکاتینی انیقله گن بو یانداشوونینگ ایلک ستونینی امریکا رهبرلیگی نینگ قیته دن تاسیس ایتیلیشی تشکیل بیرماقده. تشقی ایشلر وزیری بلینکن امریکا قوشمه ایالتلری نینگ گلوبال تیزیم گه رهبریت قیلمه گن تقدیرده یراتیلگن بوشلیک نینگ ایریم کوچلر تامانیدن تولدیریلگن لیگینی و بونینگ هم خلق ارا تیزیمده برقرارسیزلیک که سبب بولگن لیگینی ادعا ایتماقده. بایدن تشقی سیاستده امریکا ییتکچیلیگینی قیته دن قولگه کیریتیش اوچون اورونیش گه مجبور ایکن لیگینی بیله دی. بو ییتکچیلیک نینگ ایککی معماسی بار. بیرینچیسی امریکا قوشمه ایالتلری نینگ زیان کورگن اعتباری نینگ قیته دن قولگه کیریتیش، ینه بیرته سی ایسه چین و روسیه قرشیسیده کوچلی ییتکچی اورنینی قیته دن قولگه کیریتیب آلیش دیر.

بایدن اهمیت بیرگن ایککینچی موضوع خلق ارا اداره لرنینگ اهمیتینی قیته دن کوپه یتیریش دیر. ترامپ دوریده امریکا قوشمه ایالتلری بیرلشگن ملتلر تشکیلاتی، ناتو، دنیا ساغلیقنی سقلش گروهی کبی خلق ارا اداره لر بیلن جدی معمالرگه دوچ قالدی. شونده ی بولیب بایدن سیاستیده امریکا ییتکچیلیگی نینگ بو اداره لر اوستیده قیته دن تاسیس ایتیشلیشی بوییچه بوله دی. انه شو چوکاتده کوپ بعدلیک نینگ بایدن دوریده امریکا تشقی سیاستیده مهم بیر اورنی بوله دی.

بایدن اهمیت بیرگن اوچونچی موضوع ایسه گلوبال اقتصادده امریکانینگ ییتکچیلیگینی قیته دن قولگه کیریته دیگن ینگی بیر تیزیم توزیش. بو نقطه ده ترامپ دوریده امریکا قوشمه ایالتلری – چین اوروشلری بحث موضوعی دیر. بایدن نینگ چین نی بیر رقیب اوله راق کورگن لیگی انیق. بیراق چین نی ترامپ ویا جمهوریتچیلر کبی هم کورمه یدی. ملی خوفسیزلیک مصلحتچیسی بولمیش سولیوان "چین بیلن بیر جایده بولیش" فورمولی نینگ تشقی سیاست نینگ اساسی چیزیغی ایکن لیگینی ایتگن لیگی بایدن چین بیلن اوروشیش نینگ او بیلن کیلیشیب الیب چین نی اوزگرتیریش بوییچه بیر سیاست تعقیب ایته جگینی کورسته دی. بیراق بایدن نینگ اقتصاد بیلن تیگیشلی مسئله سی فقط چین ایمس. کرونا کسل لیگی سبب بولگن اقتصادی وضعیت بایدن نینگ اقتصادی سیاستینی یخشی مصروف قیله دیگن بوله دی.

بایدن اهمیت بیرگن تورتینچی موضوع ایسه خلق ارا قانون و قاعده لر بیلن تیگیشلی لیبرال تیزیم نی قیته دن تاسیس ایتیش دیر. شونده ی بولیب خلق ارا نورملرنی قیته دن تاسیس ایتیب امریکا ییتکچیلیگیده گی اعتبارنی قولگن بیرگن لیگینی جبران قیله دیگن بیر سیاست تعقیب ایتیش گه اورونه دی. بو آماج امریکا قوشمه ایالتلری نینگ گلوبال تیزیم نی ایاقده بولیشینی تامین ایتگن گلوبال قاعده لر اوستیده ینگی تیزیملر کیلتیریشینی شرط قیله دی. بناً امریکا قوشمه ایالتلری نینگ کوپراق متفقلرگه ضرورتی بار.

بو تورت ته ستون امریکا قوشمه ایالتلرینی خلق ارا تیزیم گه قیتیب اورین آلیشینی تامین ایتیشی ممکن می دیگن سوال جوده مهم. بایدن ترامپدن الگن ویرانلیک و دنیا سیاستی نینگ اوزگرگن اورنی بونینگ عملی بولیشینی قیین ایکن لیگینی کورستماقده.  

خوفسیزلیک بوییچه تیکشیرووچی دوکتور مراد یشیل تاش نینگ اوشبو موضوعگه دایر و فکر و ملاحظه‌لرینی اعتبارینگیزگه حواله ایتدیک.



علاقه لی ینگی لیکلر