اسلام دینی نینگ کتابی قرآن عظیم الشان

الله تعالی یوبارگن کتابلری بیلن, انسانلر گه اوز حیاتلری نی تنظیم ایتیش اساسلری نی کورسه تیب بیرگن. اوشبو اساسلر, انسان لرنینگ دنیا و آخرتده موتلی بولیشلری بیلن علاقه لی. قرآن عظیم الشان الله تعالی تامانیدن اوشبو مقصد بیلن انسانلر گه یوباریلگن سونگگی الهی کتابدن عبارت. قرآن کریم حضرت محمد (ص) نینگ بیر معجزه سی نی تشکیل ایتماقده.

اسلام عالملری, قرآن عظیم الشان نی, الله تعالی تامانیدن وحی یولی بیلن حضرت محمد (ص) گه عرب تیلیده تدریجاً یوباریلگن, بیر نسل دن باشقه بیر نسل گه توختاوسیز روشده اوتیب کیلگن, الفاتحه سوره سی بیلن باشلب الناس سوره سی بیلن اداغگه ییتگن, اوقیلیشی جوده فضیلیتلی بیر عبادت بولگن الله نینگ کلامیدن عبارت بیر کتاب نینگ اسمی اوله راق تعریف قیلگنلر.

حضرت محمد (ص), "هر پیغمبر گه مطلق بیر شکلده ایمان ایتیلگن معجزه لر بیریلگن. مینگه بیریلگن معجزه ایسه الله تعالی نینگ مینگه وحی ایتگن قرآن دن عبارت" شکلیده بویورگنلر. بیرمعجزه دن عبارت ایکن لیگی اوچون نازل قیلینگن کوندن بیری مخاطبلری گه چقور بیر تاثیر قالدیریب کیلگن قرآن کریم.

قرآن کریم, عرب ادبیاتی نینگ اینگ یوقاری سویه ده بولگن بیر دور ده نازل قیلینگن. الله تعالی, ایشانمه گن لرنی, "قرآن کریم نینگ بیرته گینه سوره سی نینگ مشابه سی نی" کیتیریش گه چقیردی. بیراق اولر اوشبو ایش گه موفق بوله آلمه دی. حاضرگی کون گه قدر هیچ کیمسه بونگه اوخشش بیر نیرسه یازه آلمه گن. اوشبو وضعیت نینگ اوزی قرآن کریم نینگ بیر معجزه دن عبارت ایکن لیگی نی کورستماقده. الله تعالی بیر آیت کریمه ده, "اَیت که, برچه انسانلر و جنلر اوشبو قرآن گه اوخشش بیر نیرسه مطرح ایتیش اوچون جمع بولسه لر و خواهله گن لیک لری دیک بیر بیر لری نی حمایه له سه لر, بونگه اوخشش بیر نیرسه نی مطرح ایته آلمیدیلر" شکلیده بویورگن.

الله تعالی نینگ سوزی و کتابیدن عبارت قرآن کریم, فرقلی آیت مبارکه لرده اوزی حقیده, "او, سوزلر نینگ اینگ چیرایلیسیدن عبارت" و "انسانلر اوچون بیر اوگیت و هدایتدن عبارت" شکلیده بویورگن. حضرت محمد (ص) اوشبو آیت کریمه لرنی تصدیق ایتیب, "سوزلر نینگ اینگ توغری سی الله نینگ کلامی و اینگ یخشی یول کورستووچی ایسه محمد" دیگنلر.

حضرت محمد (ص) قرآن کریم نی, ۲۳ ییل لیق بیر مدت مابینیده اوزی گه نازل قیلینگن شکلده آیت کریمه لر و سوره مبارکه لر اوله راق انسانلر گه تبلیغ ایترایکن, وحی کاتبلری آرقه لی یازدیریب یاد ایتتیرگنلر. حضرت پیغمبر دوریده فرقلی نیرسه لرنینگ اوستی گه یازیلگن آیت کریمه لر, ایلک خلیفه حضرت ابوبکر دور لریده توپله نیب کتاب وضعیتی گه کیتیریلگن. شونده ی قیلیب حضرت عثمان دورلریده ایسه تکثیر ایتیلگن. حضرت پیغمبری میز نینگ دورلریدن باشلب حاضرگی کون گه قدر کیلگن قرآن کریم, الله تامانیدن یوباریلگن شکلیدن هیچ اوزگرمسدن محافظه ایتیلگن بیرته گینه مقدس کتابدن عبارت. اوشبو خصوصده بیر آیت کریمه ده, "او کتاب نی بیز نازل قیلدیک و اونی بیز محافظه ایته میز البته که" شکلیده بویوریلگن.

قرآن کریم بیرینچیدن انسانلر نی الله نی تانیش گه و اونگه ایمان ایتیش گه چقیرماقده. مقدس اسلام دینی نینگ عقیده, عبادت, اخلاق و حقوق بیلن علاقه لی حکم لری اوشبو کتابده بیلدیریلگن. قرآن عظیم الشان, الله نینگ بیرلیگی و صفتلری, آخرت حیاتی, جنت و دوزخ حقیده معلومات بیرماقده. عینی دمده قرآن کریم, انسان نینگ عقلی گه خطاب ایترایکن, اوز یره تیلیشی و کائیناتده گی نظم نی چقور بیر شکلده اویلش گه دعوت ایتماقده. انسان لر نینگ درک ایته آلمیدیگن میتافزیک بُعد نینگ موجودیتی نی توشینتریب بیره دی. اوشبو خصوصده بیر آیت کریمه ده, "بو کتاب نی, آیت لری نی اویله سینلر و عقل ایگه سی بولگنلر عبرت آلسینلر دیب سینگه نازل قیلگن میز" شکلیده بویوریلگن.

عینی دمده قرآن کریمده اوگیت و عبرت بولیشی اوچون آلدینگی پیغمبر لر و ملتلر باره سیده بحث ایتیلگن. توغری بیلن ناتوغری نی تفکیک ایتیش معنی سی گه کیله دیگن "فرقان" اسمی دایره سیده توغری لر نی و ناتوغری نی اوقیگن کیشی لر گه کورسه تیب بیریب, توغری بیر یول نینگ تاپیلیشی اوچون زمینه یره تیب بیره دی قرآن کریم. عینی دمده قرآن کریم, ایسله تیش معنی سی گه کیله دیگن "ذکر" اسمی دایره سیده ایسه انسان گه دنیا و آخرتی نی تانیتیب بیره دی. باشقه بیر تاماندن ایسه انسان نینگ توغیلیشی آلدین و اولیمیدن کیینگی دوره سی حقیده بیلینمه گن نیرسه لر باره سیده معلومات بیره دی قرآن عظیم الشان.

قرآنده, الله تعالی نینگ مومنلر گه فرض قیلگن عبادت و عمل لر بیلن حرام قیلگن فعل لر تیز تیز ایسله تیلیب تورماقده. قرآن کریم, الله تعالی نینگ بیرلیگی اساسی گه کوره عادل و اخلاقلی بولیش نی یخشی بیر حرکت طرزی گه ایلنتیررایکن, مسئولیت نی بوینی گه آلگن کیشی لر و اجتماع نینگ قوریلیشی نی هدف قیلیب آلگن. حضرت پیغمبری میز محمد (ص) "قرآن نی اوقیب, اونینگ بویروق لری گه اویغون حرکت ایته دیگن کیشی, شرفلی ملائک بیلن بیرگه" شکلیده بویورگن.

پیغمبری میز (ص) قرآن کریم اوقیدیگن مسلمان لر نی هیدی و مزه سی یخشی بولگن میوه گه اوخشتگنلر. شونده ی قیلیب الله نینگ رسولی, "آره نگیزده اینگ خیرلینگیز قرآن نی اورگنیب اورگتگن لرینگیز دیر" شکلیده بویوریب, امتی نی قرآن اورگه نیش گه تشویق ایتگن لر. مییه سیده قرآن کریمدن هیچ بیر نیرسه بولمه گن کیشی نی "ویران بولیب قالگن بیر اوی گه" اوخشتگن حضرت پیغمبری میز محمد (ص).

خلاصه قیلیب ایتیلگنده قرآن عظیم الشان مسلمانلر اوچون یول کورستووچی مقدس بیر کتابدن عبارت.