تورکیه تامانیدن آذربایجان بیلن ارمنستان اورته سیده گی قرارگه تیگیشلی بیانات بیریلدی

تورکیه تامانیدن آذربایجان بیلن ارمنستان اورته سیده بعضی بیر ایشانچ مستحکملشتیرووچی آدیملر آتیش قراری طفیلی ممنونیت بیلدیریلدی.  

تورکیه جمهوریتی تشقی ایشلر وزیرلیگی تامانیدن اوشبو قرارگه تیگیشلی یازمه بیانات ترقه تیلدی.

بیاناتده " آذربایجان جمهور باشلیغی باشقرمه سی بیلن ارمنستان باش وزیرلیک باشقرمه سی تامانیدن بیریلگن مشترک بیانات آرقه لی بیلدیرلگن ایککی اولکه اورته سیده بعضی بیر ایشانچ مستحکملشتیرووچی آدیملر آتیش قراری طفیلی ممنونیت بیلدیره میز. قوشیمچه ایشانچ مستحکملشتیرووچی آدیملر آتیلیشی توغریسیده اوچره شوولرگه دوام ایتیلیشی قرارینی قوللب – قوتله یمیز." دیب ایتیلدی.

بیاناتده، تورکیه نینگ جنوبی قفقازیاده دایمی تینچلیک و برقرارلیک نینگ اورنه تیلیشی اوچون مهم ینگیلیکلردن بیرته سیدن عبارت آذربایجان – ارمنستان اورته سیده گی تینچلیک کیلیشوویگه تیزده قول قوییلیشینی آرزو ایتگن لیگی قید ایتیلدی.