ایران – آذربایجان تشقی ایشلر وزیرلری اوزارا اوچره شوو اوتکزدی

ایران تشقی ایشلر وزیری حسین امیر عبداللهیان آذربایجان بیلن مناسبتلری نینگ «توغری یولده» آلغه باراتگن لیگینی ایتدی.

ایران رسمی خبر آژانسی ایرنا خبر بیریشیچه، تشقی ایشلر وزیری عبداللهیان بیلن آذربایجانلیک کسبداشی جیحون بیره م اوف مسکوده اویوشتیریلگن و قزاقستان، روسیه بیلن تورکمنستان هم قتنشگن خزر اولکه لری تشقی ایشلر وزیرلری جلسه سی دایره سیده اوچره شدی.

اوچره شووده آذربایجان بیلن ایران مناسبتلری نینگ «توغری یولده» آلغه باراتگن لیگینی ایتگن عبداللهیان ایککی اولکه رهبرلری اورته سیده گی سونگگی اوچره شووده مناسبتلرنینگ تورلی ساحه ده رواجلنتیریلیشی بوییچه آدیملر آتیلگن لیگینی ایسله تیب اوتدی.

تهران بیلن باکو اورته سیده کوریدور آچیش، تجاری همکارلیگی، یریم قالگن پروژه لر توغریسیده هم قانیقرلی کیلیشوولر بولیب اوتگن لیگینی معلوم قیلگن عبداللهیان ایککی اولکه نینگ اوزارا مناسبتلرنینگ کوپراق آلغه باریشی اوچون اقتصادی، مدنی، سیاسی، خوفسیزلیک و توریزم ساحه لرینی حرکت گه اوتکزیش گه اورونگن لیکلرینی تیلگه آلدی.