تورکیه ملی مدافعه وزیرلیگی تامانیدن حربی سیناوگه تیگیشلی ویدیو تصویر نشر قیلیندی

تورکیه جمهوریتی ملی مدافعه وزیرلیگی آذربایجان قوراللی کوچلری بیلن بیرگه لیکده اویوشتیریلگن مصطفی کمال آتاتورک – 2023 حربی سیناوی نینگ ویدیو تصویرلرینی پایلشدی.

ملی مدافعه وزیرلیگی تامانیدن اجتماعی ترماق آرقه لی نشر قیلینگن ویدیو تصویرلرده ایککی اولکه قوراللی کوچلری نینگ ییر و هوا کوچلری نینگ هدفلرنی نشان آلیب اورگن آنلر اورین آلدی.

پیامده، "بیز ایککی بدنده بیر جان میز. بیز کیره ک بولگنده بیر مشت بوله میز. آذربایجان تورک قرینداشلریمیز بیلن اوتکزگن مصطفی کمال آتاتورک – 2023 حربی سیناویده قهرمان حربیلریمیز ینه بیزنی فخرلنتیردی. بیرلیگیمیز، برقرارلیگیمیز و کوچیمیز دایم بولسین." دییلدی.