تورکیه – آذربایجان قوراللی کوچلری تامانیدن مشترک حربی سیناو باشله تیلدی
اوشبو حربی سیناو آذربایجان ده باشله تیلدی
تورکیه – آذربایجان قوراللی کوچلری تامانیدن آذربایجان ده "مصطفی کمال آتاتورک 2023" آتی بیریلگن حربی سیناو باشلندی.
آذربایجان مدافعه وزیرلیگی تامانیدن بیریلگن بیاناتده تورکیه جمهوریتی نینگ 100 – قورولیش ییل لیگی مناسبتی بیلن اوتکزیله دیگن حربی سیناوگه باکو، نخجوان و اشغالدن قوتقریب آلینگن منطقه لرده باشلنگن لیگی بیلدیریلدی.
بیاناتده، خوددی شو حربی سیناوگه 3 مینگ پرسونل، 130 ته تانک و زره واسطه، 100 اطرافیده توپ و راکت سیستمی بیلن قیرب 20 ته اوچاق و تیک اوچرنینگ اورین آلگن لیگی قید ایتیلدی.
حربی سینشده مودرن حربی قورالر قاله ویرسه راکت و توپچیلر، اوچاق و تیک اوچرلردن ایش آلینه جگی، دریالر اوستیدن اوتیش اوچون کوپریکلر قوریله جگی و تمثیلی دشمن نینگ جایلریگه حمله قیلینه جگی بیلدیریلدی.
تورکیه – آذربایجان اردولری آره سیده علاقه نینگ کوچه یتیریلیشی مقصدی بیلن باشله تیلگن و "مصطفی کمال آتاتورک 2023" آتیده گی حربی سیناو 25 اکتوبرگچه دوام ایته دی.
علاقه لی ینگی لیکلر
بیرلشگن عرب امیرلیکلری دولت باشلیغی بیلن تورکیه تشقی ایشلر وزیری اوزارا اوچره شوو اوتکزدی
تورکیه تشقی ایشلر وزیری بیرلشگن عرب امیرلیکلریگه تشریف بیوردی
تورکیه بیلن فلسطین اورته سیده کیلیشوو بولیب اوتدی
اوشبو کیلیشوو عین حالده تورکیه پارلمانی تامانیدن قبول قیلیندی