آذربایجان بیلن ارمنستان بعضی موضوعلرده کیلیشیب آلدی
ایککی اولکه اورته سیده گی اوچره شوولر امریکا قوشمه ایالتلریده بولیب اوتدی
آذربایجان، ارمنستان بیلن «تینچلیک و دولتلر ارا مناسبتلرنینگ قوریلیشی بیلن تیگیشلی کیلیشوو» بیتیمی نینگ بعضی بیر ماده لریده کیلیشیب آلینگن لیگینی بیلدیردی.
آذربایجان تشقی ایشلر وزیرلیگی تامانیدن امریکا قوشمه ایالتلری تشقی ایشلر وزیری انتونی بلینکن نینگ میزبانلیگیده آذربایجان تشقی ایشلر وزیری جیحون بیره موف بیلن ارمنستان تشقی ایشلر وزیری ارارت میرزایان باشچیلیگیده گی ایککی اولکه هیئاتلری نینگ 1-4 مارچ تاریخلریده امریکا قوشمه ایالتلریده اوتکزگن اوچره شوولر حقیده یازمه بیانات بیریلدی.
بیاناتده "وزیرلر و یانلریده گی هیئات اعضالری «تینچلیک و دولتلر ارا مناسبتلرنینگ قوریلیشی بیلن تیگیشلی کیلیشوو» بیتیمی نینگ بعضی بیر ماده لریده کیلیشیب آلینر ایکن شونینگدیک، بعضی بیر حساس موضوعلر بوییچه پوزیشنلر هر خیللیگیچه قاله یاتگنینی تن آلدیلر. " دییلدی.
بیاناتده اوچره شوولرگه میزبانلیک قیلگن لیگی طفیلی امریکا قوشمه ایالتلریگه منتدارچیلیک بیلدیریلدی و تامانلرنینگ مذاکره لرنی دوام ایتتیریلیشی بوییچه کیلیشیب آلینگن لیگی قید ایتیلدی.
علاقه لی ینگی لیکلر
تورکیه رادیو تلویزیونی گه مکافات بیریلدی
اوشبو مکافات سیونیست حرکت نینگ تاریخی گه تیگیشلی دقت گه سزاوار اوچ بولیملیک ویدیو طفیلی بیریلدی
هندوستان ده پارتلش عاقبتیده کوپلب کیشی جان بیردی
پارتلش و آرتیدن یوزبیرگن یانغین عاقبتیده کوپلب کیشی نینگ اولیب یره لنگن لیگی بیلدیریلدی