تورکیه - آذربایجان اورته سیده مشترک حربی سینش اوتکزیلماقده

تورکیه بیلن آذربایجان قوراللی کوچلری، آذربایجانده مشترک حربی سینش اوتکزماقده.

آذربایجان مدافعه وزیرلیگی تامانیدن بیریلگن بیاناتگه کوره، ایککی اولکه اورته سیده گی حربی همکارلیک کیلیشووی دایره سیده تورکیه بیلن آذربایجان اردولری، باکو، استره، جبرائیل و ایمیشلی ولایتلریده حربی سینش اوتکزماقده.

خوددی شو حربی سینش گه ییر و هوا کوچلری، خاص کوچلر بیلن بیر قطارده راکت و توپچی کوچلری اورین آلماقده.

ینگی زمانوی اوروش اصوولری عملی قیلینگن حربی سینشده، تورلی کوچلرنینگ علاقه وی فعالیتلری نینگ ریجه لنیشی، دریالردن کوپریکلر قوروب دشمن منطقه سیگه اوتیش وظیفه لری اجرا ایتیلماقده.

اوشبو مشترک حربی سینش بیلن حربی کوچلرنینگ اوروش جریانیده علاقه ایجاد ایتیشی، باشقروونی یخشیلشتیریش، تجربه المه شووی و پرسونل نینگ کوچه یتیریلیشی مقصد قیلیب آلینماقده.