بوگون قاره باغ ظفری کونی ایتیب نشانلنماقده

آذربایجان نینگ پایتختی باکوده قاره باغ ظفری نینگ 2- ییللیگی مناسبتی بیلن یوریش پروگرامی اویوشتیریلدی.

"ظفر کونی" نشانلش پروگراملری چوکاتیده باکونینگ تورلی منطقه لریده اویوشتیریلگن یوریش گه حربی لیسه اوقیووچیلری و قاره باغ اوروشی غازیلری هم قتنشدی.

آذربایجان، بوندن 2 ییل آلدین بوگون قاره باغ نینگ شوشه شهرینی اشغال آستیدن قوتقریب آلگندی.

2022 ییلی 27 سپتامبرده باشله تیلگن قرشی هجوم 44 کون دوام ایتدی و بو جریانده 300 دن آرتیق تورر جای اشغالدن قوتقریب آلیندی.

آذربایجان اردوسی نینگ شوشه گه کیریب باریشی ارمنستان اردوسی نینگ قاچیب کیتیشی گه سبب بولدی. ایریوان باشقرووی 2020 ییلی 10 نوامبر تاریخیده مغلوبیت نی قبول قیلیب اردوسینی آغدم، کلبجر و لاچین ولایتلریدن چیقریب آلیشی بوییچه تعهدنامه گه قول قویدی.

آذربایجان جمهور باشلیغی الهام علی یف، تورکیه جمهوریتی نینگ قورووچیسی مصطفی کمال اتاتورک نینگ وفات کونی بولیشی طفیلی اوروش یکونلنگن 10 نوامبر کونی نینگ اورنیده شوشه قوتقریب آلینگن 8 نوامبرنی "ظفر کونی" ایتیب اعلان قیلدی.