آذربایجان - ارمنستان ییتکچیلری تورتینچی مرته اوچره شوو اوتکزه دی

آذربایجان جمهور باشلیغی الهام علی یف، ارمنستان باش وزیری نیکول پشینیان، اروپا بیرلیگی کینگشی باشلیغی چارلیس میشل اورته سیده اوچ تامانلیک جلسه بولیب اوته دی.

اوشبو جلسه بلجیم نینگ پایتختی بروکسلده اویوشتیریله دی.

ارمنستان باش وزیرلیک دفتری تامانیدن بیریلگن بیاناتده بیلدیریلیشیچه، علی یف، پشینیان و میشل 31 اگست تاریخیده بروکسلده اوچره شوو اوتکزه دی.

علی یف بیلن پشینیان بوندن آلدین هم میشل نینگ واسطه چیلیگیده 2020 ییلی 14 دسامبر و جاری ییل نینگ 22 می تاریخیده بروکسلده اوچره شگندی.

علی یف بیلن پشینیان نینگ اوچره شوویدن بیر کون آلدین باش وزیر اورینباسرلری باشچیلیگیده چیگره تعیینلش کمیسیونلری هم اوچره شه دی.

آذربایجان باش وزیر اورینباسری شاهین مصطفی یف بیلن ارمنستان باش وزیر اورینباسری مهر گیریگوریان باشچیلیگیده گی هیئاتلر 30 اگستده روسیه نینگ پایتختی مسکوده جلسه اوتکزه دی.