ایردوغان آذربایجانگه سفر قیلیب باردی

تورکیه جمهور باشلیغی رجب طیب ایردوغان بیر کونلیک رسمی سفر آرقه لی آذربایجان گه باردی.

جمهور باشلیغینی آلیب کیته یاتگن اوچاق آذربایجان تامانیدن اشغال آستیدن قوتقریب آلینگن توپراقلرده قوریلگن دستلبکی قونلغه بولمیش فضولی خلق ارا قونلغه سیگه باریب قوندی.

آذربایجان جمهور باشلیغی تامانیدن کوتیب آلینگن ایردوغان فضولی قونلغه سیگه باریب قونگن دستلبکی دولت باشلیغی بولدی.

ینگی قونلغه نینگ آچیلیش فیته سینی مراسم آرقه لی کیسگن ایردوغان بیلن علی یف قونلغه بناسینی کوریب چیقدیلر و مسؤللردن معلومات آلدیلر.

جمهور باشلیغی ایردوغان سفری دایره سیده علی یف بیلن بیرگه لیکده احمد بیلی – فضولی – شوشه، احمد بیلی – حورادیز – مینگ جوان – آغبند قتناو یولی نینگ بنیاد قوییش مراسمی گه قتنشدی. اونینگ آرتیدن زنگیلانده تورکیه نینگ همکارلیگی بیلن قوریله دیگن عقللی زراعت مرکزی نینگ بنیاد قوییش مراسمی گه قتنشدی.

بو سفرده تورکیه – آذربایجان مناسبتلری کینگ – کولملی بیر شکلده تیکشیریب چیقیله دی، ایککی اولکه اورته سیده گی همکارلیک نینگ بوندن آرتیق کوچه یشی اوچون آتیله دیگن آدیملر تیلگه آلینه دی.

اوچره شوولرده اوزارا مناسبت قاله ویرسه کون ترتیبیده گی موضوعلر، منطقوی و خلق ارا موضوعلر حقیده فکر المه شووی عملگه آشیریلیشی کوتیلماقده.