ایران تشقی ایشلر وزیری ظریف: آذربایجان نینگ توپراقلرینی قوتقریب آلیشیدن خرسندمیز

ایران تشقی ایشلر وزیری محمد جواد ظریف آذربایجان تاغلی قاره باغده ارمنستان اشغالی آستیده گی توپراقلرینی قوتقریب آلیشیدن خرسند بولگن لیکلرینی ایتدی.

روسیه، ارمنستان، گرجستان و تورکیه نی اوز ایچی گه آلگن منطقه گه سفری چوکاتیده آذربایجان نینگ پایتختی باکوگه سفر قیلیب بارگن ایران تشقی ایشلر وزیری محمد جواد ظریف قونلغه ده ایران میدیاسیگه بیرگن بیاناتده سفری نینگ موضوعی بوییچه معلومات بیردی.

ظریف اوچره شوولریده منطقوی همکارلیک نینگ تیلگه آله جکلرینی قید ایتدی.

"قرداش اولکه آذربایجان نینگ توپراقلرینی قیته ریب آلیشیدن خرسندمیز. بوگونگی کونده آذربایجان توپراقلری آذربایجان خلقی نینگ قولیده دیر. خلق نینگ قوتقریب آلینگن منطقه لرده گی اوی – جایلریگه قیتیب باریشلری اوچون یاردم ایتماقچی میز" دیب افاده ایتدی.

آذربایجانلیک مقاملر بیلن قاره باغده گی بردملیک، تینچلیک و قیته قوریش موضوعلرینی گپیره جکلرینی معلوم قیلگن ظریف ترانزیت اوتیشلر و شمال – جنوب ترانسپورت گذرگاهی بیلن تیگیشلی اوچره شوولر اوتکزه جکلرینی تیلگه الدی.