فرانسه جمهور باشلیغی مکرون علی یف و پیشینیان بیلن صحبت قیلدی

فرانسه جمهور باشلیغی ایمانویئل مکرون آذربایجان جمهور باشلیغی الهام علی یف و ارمنستان باش وزیری نیکول پیشینیان بیلن تیلفون آرقه لی گپیردی.

ایلیزه سراییدن بیریلگن یازمه بیاناتده مکرون نینگ علی یف و پیشینیان بیلن قیلگن تیلفون آرقه لی صحبتیده آذربایجان بیلن ارمنستان اورته سیده قول قوییلگن آتشکیسین کیلیشووی نینگ آرتیدن فرانسه نینگ اولویتلرینی تیلگه آلگن لیگی بیلدیریلدی.

مذکور بیاناتده، توقنه شوولرنینگ یکونلنیشی بیلن تاغلی قاره باغده خلق نینگ قوریقلنیشی و سونگگی هفته لرده اوی- جایلریدن بدرغه بولیب کیتگن اون مینگلب انسان نینگ قیتیب کیلیشی اوچون مذاکره لرنینگ یخشی نیت بیلن قیته دن باشله شی نینگ شرط ایکن لیگینی ایتگن لیگی اورغولندی.

مکرون نینگ اولکه سی نینگ تاغلی قاره باغ منطقه سی گه بشری یاردم ییتکیزیب بیره جگی، دینی و مدنی میراثلرنینگ قوریقلنیشی اوچون چاره – تدبیرلرنینگ آلینیشینی ایتگن لیگی افاده ایتیلدی.