روسیه مطبوعاتی: منطقه ده تورکیه نینگ کوچی آرتیب کیتدی

دنیا ده بولگن لیگی دیک, روسیه مطبوعاتی هم, قاره باغ اوروشی ده ارمنستان نینگ مغلوب بولگن لیگی نی بیلدیردی. 

بیراق مخالف روزنامه لردن بیری بولگن ویدوموستی, اساساً اوروشده مغلوب بولگن لر آره سیده روسیه نینگ هم موجود ایکن لیگی نی معلوم قیلدی. 

روزنامه ده باسیلیب چیققن تحلیلی بیر مقاله ده, "روسیه, قاره باغ ده ییچیم اوچون واسطه چیلیک وظیفه سی نی اوز بوینی گه آلگن کیلیشوو بیلن جنوبی قفقازده اوزی نینگ مغلوبیتی اوچون شرایط یره تیب بیردی" دییه قید ایتیلدی. 

تحلیلچی کونستانتین مکینکو نینگ مقاله سیده, روسیه نینگ ترانس- قفقاز ده گی کوچی نینگ کمه یگن لیگی و بونینگ یقین کیله جکده حس ایتیله دیگن لیگی معلوم قیلیندی. 

مقاله ده, تورکیه نینگ اوشبو اوروش نینگ اداغیده منطقه ده کوچه یگن لیگی و شونده ی قیلیب آذربایجان نینگ هم راحت بولیب قالگن لیگی بیلدیریلدی. 

مقاله ده, ایندی آذربایجان و همده اورته آسیاده تورک لیک شعوری نینگ کوچه یه دیگن لیگی معلوم قیلیندی. 

عینی دمده مقاله ده, آذربایجان نینگ تورکیه ده ایشلب چیقاریلگن اوچووچی سیز اوچاق لر دن فایده له نیب 21 – عصر نینگ اینگ موفقیتلی حربی عملیاتی نی اویوشتیرگن لیگی بیلدیریلدی. 

شونده ی قیلیب مقاله ده, تورکیه نینگ سوریه و لیبیا ده موفقیتلی بیر شکلده استفاده ایتگن بیرقدار تی بی 2 اوچووچی سیز اوچاق لری نینگ قاره باغ ده هم موفقیت گه سبب بولگن لیگی معلوم قیلیندی.