آذربایجان اردوسی تامانیدن قوتقریب آلینگن شوشه شهریده ایلک مرته جمعه نمازی ادا قیلیندی
شوشه ده جایلشگن تاریخی مسجدده 28 ییل کیین جمعه نمازی ادا قیلیندی
1527330
آذربایجان اردوسی تامانیدن اشغال آستیدن قوتقریلگن تاغلی قاره باغ نینگ سمبول شهری بولمیش شوشه ده 28 ییل اشغال نینگ آرتیدن ایلک مرته جمعه نمازی قیلیندی.
شوشه ده جایلشگن تاریخی یوقاری گوهر آغا جامع مسجدیده اولاً آذان ایتیلدی آرتیدن بوجایده گی آذربایجان عسکرلری ایچلریدن بیر کیشی نینگ امامت قیلیشی بیلن صف بولیب نماز ادا قیلدیلر.
آذربایجان تاریخ و مدنیتی نینگ سمبوللریدن بیرته بولیشی بیلن بیر قطارده هم منطقه گه حاکم جغرافی اورنی همده تاغلی قاره باغ نینگ کتته شهری خانقندی نینگ یولی اوستیده جایلشگن لیگی اوچون ستراتیژیک بیر شهر دیر. شوشه 1992 – ییل 8 می تاریخیده ارمنستان کوچلری تامانیدن اشغال ایتیب آلینگندی.
آذربایجان اردوسی شوشه نی 8 نوامبرده اشغالدن قوتقریب آلگندی.
