Germaniýa Ukraina Patriot Howa Goranyş Ulgamyny Berer
Germaniýa Ukraina gyş aýlarynda “Patriot” howa goranyş ulgamyny bermegi kepillendirdi.
Germaniýanyň Federal Kansleri Olaf Şols düýn Ispaniýanyň Granada şäherinde geçirilen Ýewropanyň syýasy bileleşiginiň maslahatynyň çäginde Ukrainanyň döwlet Ýolbaşçysy Wladimir Zelenskiý bilen geçiren duşuşygyndan soň beýannama berdi.
Maslahatda Russiýanyň Ukraina hüjüminiň esasy uğurlardan biri bolandygyny aýdan Şols, Ukrainanyň garaşsyzlygyny we özygtyýarlylygyny goramak boýunça goldawynyň nähili dowam etjekdigi hakynda pikir alyşandyklaryny beýan etdi.
Şolz Germaniýanyň Ukrainany goldaýandygyny, Germaniýanyň ABŞ-dan soň Ukraina iň köp goldaw beren ýurt bolup durýandygyny nygtady.
Germaniýanyň ozalam Ukraina “Patriot” howa goranyş ulgamyny berendigini ýatladan Şols; “Bärde Ukrainanyň döwlet Baştutanyna gyş aýlary üçin ýene-de bir goranyş ulgamyny berjekdigimizi aýtdym” diýdi.
Degişli Habarlar
Rus Lideri Putiniň Siriýa Boýunça Ýörite Wekili Ankara Geldi
Duşuşykda Siriýada başdan geçirilýän soňky wakalaryň ara alnyp maslahatlaşylandygy bellenildi.
