تۈركىيە ئاۋازى رادىئوسى خەۋىرى: تۈنۈگۈن ئىستانبۇلدا ھاياتىدىن ئايرىلغان زامانىۋىي تۈرمۈشنى قوللاش جەمئىيىتىنىڭ باشلىقى پروفېسسور دوكتور سايلان بۈگۈن يەرلىكىگە قويۇلدى.

تۇركان سايلان ئۈچۈن تەزىيە بىلدۈرىدىغانلار زامانىۋىي تۈرمۈشنى قوللاش جەمئىيىتىنىىڭ مەركىزىدە قوبۇل قىلىندى.

پروفېسسور سايلان ئۈچۈن لۇتفى قىردار قۇرۇلتاي زالىدا ماتەم مۇراسىمى ئۆتكۈزۈلدى.

سايلاننىڭ جىنازىسى تەشۋىقىيە جامىسىدە پىشىن نامىزىدىن كېيىن زىنجىرلى كۇيۇ مازارلىقىغا دەپنە قىلىندى.

سايلان 1976 ـ يىلى ئىستانبۇل ئۇنىۋېرسىتېتىنىڭ مېدىتسىنا فاكولتوتىنى پۈتكۈزۈپ جۇزامغا قارشى تۇرۇش جەمئىيىتىنى قوردى. بۇ كېسەللىكنى يوقۇتۇش يولىدا ئانادولونىڭ شارائىتى ئەڭ قېيىن رايونلىرىدا خىزمەت قىلدى.

تۇركان سايلان 1989 ـ يىلى زامانىۋىي تۈرمۈشنى قوللاش جەمئىيىتىنى قۇرۇپ، مىڭلىغان ياشلارنىڭ مەكتەپكا بېرىشىغا يېتەكچىلىك قىلدى.

”قارلەيلىسى“ لايىھىسى ئارقىلىق مەكتەپكە ئەۋەتىلمەيدىغان قىزلارنىڭ مەسىلىسىنى ھەل قىلىشقا تىرىشتى.

سايلان 1986 ـ يىلى خەلقئارا گاندى مۇكاپىتىغا ئېرىشىپ، 1981 ـ يىلىدىن 2002 ـ يىلىغىچە ئىستانبۇل لېپرا دوختۇرخانىسىدا مەسئۇل دوختۇر بولۇپ خىزمەت قىلدى.

سايلان يەنە 2001 ـ يىلىدىن 2007 ـ يىلىغىچە تۈركىيە ئالى مائارىپ باشقارمىسىنىڭ ئەزاسىمۇ بولغان ئىدى.