ایرانلیک قوشیقچی ینه اعدام گه محکوم قیلیندی

ایرانلیک رپر توماج صالحی, مهسا امینی نینگ نظارت آستیده حیاتینی یوقاتیشی بیلن باشله گن ناراضی چیلیک نمایش لری اویوشتیریش عیبلاوی بیلن ینه اعدام گه محکوم قیلیندی.

میلادی 2022- ییلده باشله گن و تقریباً 4 آی دوام ایتگن ناراضی چیلیک نمایش لری تنظیم قیلیش بیلن عیبله نیب اعدام گه محکوم قیلینگن لیکن کیین جزاسی عالی محکمه تامانیدن قماققه ایلنتیریلگن ایرانلیک رپر توماج صالحی نینگ ینه اعدام گه محکوم قیلینگن لیگی بیلدیریلدی. 

ایرانده باسیلیب چیقه دیگن شرق روزنامه سی بیلن مصاحبه قیلگن صالحی نینگ آقلاوچی سی امیر رئیسیان, اصفهان انقلاب محکمه سی نینگ عالی محکمه نینگ حکمی نی تطبیق ایتمه گن لیگینی معلوم قیلدی. 

صالحی مهسا امینی نینگ نظارت آستیده حیاتینی یوقاتیشی آرتیدن باشله گن و 4 آی دوام ایتگن ناراضی چیلیک نمایش لری گه اشتراک قیلیب اوشبو نمایش لرنی حمایت ایتیب بیانات بیرگن ایدی.  ناراضی چیلیک نمایش لری جریانیده زورانلیک نی و قوراللی کوچ لری بیلن توقنه شیش نی تشویق ایتگن لیگی ادعا سی بیلن آلدین صالحی اعدام گه محکوم قیلینگن ایدی.  کیین مسئول لر بیلن همکارلیک قیلگن لیگی سببلی اوشبو ایرانلیک قوشیقچی نینگ جزاسی قماققه ایلنتیریلگن ایدی.