انرژی حقیده بیر یازوو
برنامه
طبيعي گاز بوییچه ییللیک استعمالی تخمیناً 51 میلیارد کوب متر بولگن تورکيه اروپاده تورتینچی ییریک طبيعي گاز استعمالچیسی حسابلنه دی.
تورکيه کوپ ییللر دوامیده طبيعي گاز وارد قیلیب کیلگن. سکاریا گاز کانیده گی کشفیاتلر نتیجه سیده بو وضعیت اوزگره باشله دی.
اوشبو طبيعي گاز کانیده اپریل آیی نینگ آخریگه کیلیب ایشلب چیقریش تخمیناً 4،6 میلیون کوب مترنی تشکیل ایتدی. طبيعي گاز 1،8 میلیون اویگه تورکيه نینگ ملي منبعلریدن تأمینلنه باشله دی.
اما، مقصدلر انچه کتّه. 2025- ییل باشیگه قدَر کونلیک ایشلب چیقریشنی 10 میلیون کوب مترگه ییتکزیش کوزده توتیلگن.
ینگی کشفیاتلر بیلن قیسقه مدتده ایشلب چیقریش حجمینی 20 میلیون کوب متردن آشیریش کوزده توتیلگن. بو تخمیناً 9-10 میلیون اوی نینگ طبيعي گازی ملي منبعلردن تامینلنیشینی انگله ته دی.
شو سببلی، طبيعي گازنی سقلش بوییچه مقصدلر بیرمه- بیر عملگه آشیریلماقده. 2028 ییلگه کیلیب تورکيه اوزی فایده لنه دیگن گازنینگ 20 فایزینی تولیق تامینلش امکانیتیگه ایگه بولیشنی مقصد قیلگن.
انرژی و طبيعي منبعلر وزیرلیگی نینگ ریجه لریگه کوره، تورکيه نینگ سقلش قوّتیدن فایده لنیش درجه سی 50 فایزگه ییتیشی ممکن. شو سببلی، کوپلب حدودلرده، اینیقسه «توز کولی» طبيعي گاز ذخیره لش حوزه سیده طبيعي گاز سقلش جایلرینی یره تیش یاکه کینگه یتیریش ریجه لشتیریلماقده.
بیراق، بو یگانه سبب ایمس. تورکيه نینگ انرژی مرکزیگه ایلنیش پروژه سیده طبيعي گازنی ذخیره لش حجمینی آشیریش نینگ ینه بیر سببی، کیلگوسی دورده تشکیل ایتیله دیگن انرژی مرکزیدیر…
تراکیا‌ده اوشبو مرکزنی ریجه لشتیریش ایشلری یکونلندی. مرکز جاري ییلده تشکیل ایتیلیشی ریجه لشتیریلگن.
روسیه بیلن همکارلیکده عملگه آشیریله دیگن پروژه دایره سیده مسکو-انقره یونه لیشی بوییچه هیئاتلر دایمي روشده کیلیب-کیتماقده. پروژه نی یکونلش بوییچه ایشلر دوام ایتماقده.
خلق‌ارا پروژه لردن بیری بولگن «تورک آقیمی» روسیه نینگ اناپا شهریدن تورکيه نینگ قیرقلرایلی ولایتیده گی قییکوی حدودیگچه چوزیلگن هر بیری 930 کیلومتر اوزونلیکده گی ایکّیته قوووردن عبارت. قاره دینگیزدن اوتووچی چیزیقلردن بیری تورکيه نینگ ملي ترماغیگه اولنه دی. ایکّینچیسی ایسه تورکيه آرقه لی اوته دیگن گاز نینگ اروپاگه اوتکزیلیشینی تأمینله یدی.
هر بیر پایپ لاین ییلیگه 15،75 میلیارد کوب متر گازنی تشیش قوّتیگه ایگه. روسیه کیلگوسیده طبيعي گاز قوووری قوّتینی ینه ده آشیرماقچی. حاضرده موضوع یوزه سیدن اوچره شوو‌لر دوام ایتماقده.
روسیه دن تورکيه گه قاره دینگیز آرقه لی اوته دیگن باشقه طبيعي گاز قوووری ایسه «ماوي آقیم»دیر.
آذربایجان نینگ خزر طبيعي گازینی تشيه دیگن ترا‌نس-اناطولی طبيعي گاز قاوور لاینی (تنا‌پ) حاضرده 16 میلیارد کوب متر طبيعي گازنی تشیش امکانیتیگه ایگه. بو طبيعي گاز نینگ 6 میلیارد کوب متری تورکيه‌گه، 10 میلیارد کوب متری ایسه اروپاگه یوباریله دی. قیسقه وقت ایچیده لینيه قوّتینی ایکّی برابر آشیریش ریجه لشتیریلگن.
تورکيه شونینگدیک، مرکزي آسیا دولتلری بیلن شرطنامه لر امضالب، طبيعي گاز خیلمه - خیللیگینی کینگه یتیرماقچی. بو یونه لیشده گی بیرینچی قدم تورکمنستان بیلن عملگه آشیریلدی. مارچ آیی باشیده ایکّی دولت اورته سیده طبيعي گاز بوییچه همکارلیک شرطنامه سی امضالندی.
آذربایجان تامانیدن آزاد قیلینگن تاغلی قاره باغده زنگزور یوله گی نینگ آچیلیشی بیلن مملکت طبيعي گازینی خزر دینگیزی آرقه لی تورکيه گه ییتکزیش مقصد قیلینگن. بو چیزیق نه فقط تورکيه، بلکه اروپا نینگ انرژی خوفسیزلیگیگه حصه قوشه دی.
