انرژی بوییچه تورکیه بیلن عراق اورته سیده گی دیپلماتیک مناسبت لر

تورکیه جمهوریتی جمهوررئیسی رجب طیب اردوغان نینگ 22- اپریل کونیده عراققه قیلگن سفری تورکیه بیلن عراق اورته سیده گی مناسبت لرنینگ ینگی بیر باسقیچ گه اوتیشی گه سبب بولدی.

جمهوررئیس اردوغان نینگ اوشبو تشریفی دایره سیده انرژی, ترانسپورت, زراعت و باشقه کوپلب ساحه لر بوییچه 26 کیلیشوو امضالندی. 

امضالنگن اوشبو حجت لر آره سیدن اینگ مهمی البته که رواجله نیش یولی پروژه سی کیلیشووی دن عبارت بولدی.  خوددی شوو کیلیشوو فقط گینه تورکیه و عراق ایمس بلکه بیرلشگن عرب امیرلیک لری و قطر تامانیدن هم امضالندی. 

خوب رواجله نیش یولی پروژه سی نیمه اوچون مهم؟ منطقه ده قیسی موازنه لرنی اوزگرته دی.؟

اوشبو پروژه دایره ده 1 مینگ 200 کیلومترلیک قوریقلیک و تیمیر یولی نینگ قوریلیشی کوتیلماقده. 

شونده ی قیلیب تورکیه نینگ اسکندرون بندری بیلن بصره کورفزیده گی فاو بندری بیر بیر لری بیلن ارتباط قورگن بوله دی. 

خوددی شوو پروژه, اروپا بیلن آسیا تجارت یوللرینی ارتباط بیره دیگن اینگ قیسقه یولدن عبارت بوله دی البته که. 

اروپا اتفاقی و کورفز منطقه سی اورته سیده دینگیز شرایطی گه باغلیق بولمسدن دواملی تجارت اوچون امکانیت تامین ایتیب بیره دی. 

اوشبو پروژه بیلن عراق دن تشقری, کورفز اولکه لری گازی نینگ هم اروپا گه انتقال ایتدیریلیشی بوییچه مدت قیسقررایکن, شونده قیلیب اقتصادی راق بوله دی.  مذکور پروژه تورکیه نینگ انرژی مرکزی بولیش بوییچه هدفی گه هم کتته حصه قوشه دی. 

خوددی شوو پروژه بیلن تورکیه, عراق نینگ انرژی منبع لری نینگ دنیا بازار لری گه ییتکزیب بیریلیشیده ینه ده کوپراق رول ایگه سی بوله دی. 

رواجله نیش پروژه سی عینی دمده, قیزیل دینگیزده یوز بیریاتگن معما لر سببلی خوددی شوو ییر نینگ اوزیده کیمه سانی نینگ آزه ییب کیتیشی آرتیدن سوَیس کانالی گه هم جدی بیر رقیب بوله دی. 

فاو بندری دن حرکت قیلیب اروپا گه کیته دیگن بیر کیمه سویس کانالی گه کوره 15 کون آرزراق سفر قیله دی. 

جاری ییل نینگ سونگّیده ایلک کیمه نینگ فاو بندری گه کیلیشی کوتیلماقده. 

بندر تکمیل بولیشی آرتیدن, اورته شرق نینگ اینگ کتته کانتینر بندری دن عبارت دبی ده گی جبل علی دن هم اوتیب کیته دی. 

جمهوررئیس اردوغان نینگ اوشبو سفری دایره سیده رواجله نیش یولی پروژه سی بیلن بیر قطارده, انرژی ساحه سیده کوپلب مهم همکارلیک امکانیت لری هم تامین ایتیلدی.  تورکیه بیلن عراق اورته سیده انرژی ساحه سی بوییچه همکارلیک کیلیشووی امضالندی. 

اوشبو دایره ده کرکوک یومورته لیق پطرول قووری نینگ قیسقه بیر مدت کیین ینگی دن فعالیت گه باشله شی کوتیلماقده.  عینی دمده رواجله نیش یولی پروژه سی بیلن بیرگه قوریله دیگن قوور لر بیلن بصره پطرولی نینگ هم کیلگوسیده تورکیه گه انتقال ایتدیریلیشی نینگ پلانلنگن لیگی بیلدیریلماقده. 

عراق نینگ انیقلنگن پطرول ذخیره سی نینگ تقریباً 145 میلیارد بیرل ایکن لیگی تخمین ایتیلماقده. 

اوشبو اولکه, دنیا پطرول ذخیره سی نینگ تقریباً 8 فایزی گه ایگه.  عراق پطرولی, تولید مصرفی و کیفیتی جهتی دن هم دنیا نینگ اینگ ارزان پطرول لریدن بیری اوله راق بیلینماقده. 

عینی دمده جمهوررئیس اردوغان اوشبو سفریده, اوتگن اپریل آییده توخته تیلگن عراق- تورکیه خام پطرول قووری نینگ هم ینگی دن فعالیت گه باشله شی کوتیلماقده. 

کرکوک یومورته لیق پطرول قووری ییللیق 70 میلیون بیرل دن آرتیق ظرفیت گه ایگه.  کیلگوسیده اوشبو قوور نینگ ظرفیتی نینگ آرتیریلیشی بحث موضوعی. 

تورکیه بیلن عراق اورته سیده گی تجارت حجمی ییللیق تقریباً 30 میلیارد دالر دن عبارت.  تامان لر اورته سیده گی دیالوگ بیلن بیرگه اوشبو مقدار نینگ ینه ده کوپراق آرتیریلیشی هدف قیلیب آلینماقده.